एसिया कप खुला तेक्वान्दोमा ५ स्वर्ण

नेपालले १ रजत र १ कांस्य पनि जितेको छ । नेपाली टोलीले ग्यारोगीमा ६ र पुम्सेमा १ पदक जितेको हो ।

पुरुष सिनियर ८० केजीमुनि रन्जित डंगौरा, ६८ केजीमुनि कुमार लवत र ५८ केजीमुनि प्रवीणजंग खड्काले स्वर्ण जिते । पुरुष सवजुनियर २३ केजीमुनि संयोग खड्का र क्याडेट महिला ३३ केजीमुनि सुसन्ध्या खड्काले स्वर्ण जितेका थिए ।

भारतको गोवामा जुन २१ देखि २३ सम्म भएको प्रतियोगिताको सवजुनियर पुरुष ३२ केजीमुनि रघुनाथ भण्डारीले रजत र यू–१२ एकल पुम्सेमा आभाष देवले कांस्य जितेका थिए । नेपाली टोली प्रशिक्षकमा दिपेश जोशी र टिम व्यवस्थापकमा सरिता थापा थिए ।