एस कप बास्केटबल बुधबारदेखि

प्रतियोगिताको ब्वाइजमा ३२ र गर्ल्समा १२ गरी ४४ टिमको सहभागिता रहने आयोजक एसका प्रोग्राम म्यानेजर कौशलराज पौडेलले पत्रकार सम्मेलनमा जानकारी गराए ।

प्रोग्राम म्यानेजर पौडेलले युवा खेलाडीलाई खेलकुदमा आकर्षित गर्न र विद्यालयबीच आपसी सम्बन्धलाई अझ प्रगाढ बनाउन प्रतियोगिता आयोजना गरिएको बताए । दुवै समूहका विजेताले १५ हजार र उपविजेताले १० हजार नगद पुरस्कार पाउने छन् । मोस्ट भ्यालुएबल प्लेयरलाई गिफ्ट भौचर प्रदान गरिने छ । तीनदिने प्रतियोगिताका खेल आयोजककै कोर्टमा खेलाइने छ ।