कैलालीमा कोरोना संक्रमणबाट थप चार जनाको मृत्यु- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

कैलालीमा कोरोना संक्रमणबाट थप चार जनाको मृत्यु

मोहन बुढाऐर

धनगढी — कैलाली जिल्लामा कोरोना संक्रमणबाट थप चार जनाको मृत्यु भएको छ । तीन जनाको होम आइसोलेसनमा र एक जना सेती प्रादेशिक अस्पतालमा मृत्यु भएको छ ।

जिल्ला प्रशासन कार्यालयका सूचना अधिकारी शिवराज जोशीका अनुसार टिकापुर नगरपालिका–१ स्थित आफ्नै घरमा आइसोलेसनमा बसेका ५० वर्षीय पुरुषको मृत्यु भएको छ । सोमबार बिहान सोही वडाका अर्का ९० वर्षीय पुरुषको पनि मृत्यु भएको छ । त्यस्तै आइतबार बर्दगोरिया गाउँपालिका– ४ का ५९ वर्षीय अर्का पुरुषको कोरोना संक्रमणबाट मृत्यु भएको जोशीले जानकारी दिए ।

सेती प्रादेशिक अस्पतालमा सोमबार बिहान साढे नौ बजे धनगढी–२का ८४ वर्षीय पुरुषको मृत्यु भएको छ । उनी २१ गते अस्पतालमा भर्ना भएका थिए । साेहीदिन उनलाई कोरोना पुष्टि भएको थियो । अस्पताल प्रशासनका सूचना अधिकारी दिलिप श्रेष्ठले उनलाई भन्टिलेटरमा राखेर उपचार गरिएको बताए । उनका अनुसार हालसम्म सेती अस्पतालबाट मृत्यु हुनेको संख्या १० पुगेको छ ।

प्रकाशित : कार्तिक २४, २०७७ १५:२८
प्रतिक्रिया
पठाउनुहोस्

झुक्याएर भारत लान लागिएका १२ युवतीको उद्धार

रासस

काठमाडौँ — विभिन्न बहाना र प्रलोभनमा लुकिछिपी भारतीय सीमासम्म पुर्‍याइएका १२ नेपाली युवतीको उद्धार भएको छ ।

कोराना महामारीको विषमस्थिति र बेरोजगारीको फाइदा उठाएर मानव बेचबिखनका लागि भारत लान लागिएको सूचनाका आधारमा ती युवतीको आफन्त नेपाल संस्थाको पहल र जिल्ला प्रहरी कार्यालय, पर्साको सहयोगमा उद्धार गरिएको हो । हाल उनीहरु सोही संस्थाको संरक्षणमा छन् ।

सिराहा र सर्लाहीमा स्टेज कार्यक्रममा नाच प्रदर्शन गर्ने भनी विभिन्न जिल्लाबाट पर्साको वैकल्पिक नाका हुँदै भारतसम्म पुर्‍याइएका ती युवतीको उद्धार गरिएको बताइएको छ । ती युवतीलाई स्टेज कार्यक्रममा नाच देखाउने र दैनिक दुई हजारका दरले रकम दिने भनी काठमाडौँको बालाजुबाट लगिएको थियो ।

पथलैयाको जंगलमा पुगेपछि उनीहरुलाई समूह विभाजन गरी नेपाल भारत सिमानामा पुर्‍याइएको थियो । सीमा कटाउने क्रममा चार जनालाई सीमा नाकाबाट र अन्य सात जनालाई भारतबाट उद्धार गरिएको हो । ती युवतीसँगै रहेका युवक पक्राउ परेका छन् ।

प्रकाशित : कार्तिक २४, २०७७ १५:११
पूरा पढ्नुहोस्
प्रतिक्रिया
पठाउनुहोस्
×