सुदूरपश्चिम प्रदेश सरकारको हरेक वर्ष बेरुजु बढ्दै गएको छ । हालै सार्वजनिक महालेखा परीक्षकको चौथो प्रतिवेदनमा सुदूरपश्चिम सरकारको आर्थिक वर्ष २०७८/७९ सम्म गरिएको अद्यावधिक बेरुजु एक अर्ब ५४ करोड ९६ लाख पुगेको हो ।
कैलालीको गौरीगंगा नगरपालिकास्थित श्रीपूरका किसान लालबहादुर साउदको खेत तथ्यांकमा सिँचाइ सुविधा पुगेकोमा पर्छ । तर खुरखुरिया सिँचाइ योजनाको इन्टेक नै बाढीले बगाएपछि उनी एक दशकदेखि सिँचाइ सुविधाबाट वञ्चित छन् । उक्त आयोजनाको नहरबाट तीन वर्ष मात्रै सिँचाइ सुविधा पाएको साउदले बताए ।
बैतडी मेलौलीका प्रकाश चन्द तीन दिनअघि धनगढीदेखि अत्तरिया जांँदै गर्दा बाटोमै लुटिए । हाइस (माइक्रो बस) मा संँगै बसेकी एक महिलाले मुखमा स्प्रे गरेर बेहोस बनाएपछि उनीसंँग भएको नगद र लत्ता कपडा लुटेर लगिन् । उनले नगद ४० हजार भारु, ७५ हजार पर्ने रुख काट्ने मसिन, लत्ताकपडा गरी झन्डै दुई लाख बराबरको सामान गुमाए ।
भारतको दिल्लीमा काम गर्ने बैतडीका लोकराज तिरुवा शनिबार गड्डाचौकी नाका भएर घर फर्किए । प्रदेश तथा प्रतिनिधिसभाको निर्वाचनमा मतदान गर्न घर फर्के । गत स्थानीय तहको निर्वाचनमा समेत मतदान गर्न आएका उनी पछिल्लो पटक तिहार आएर एक महिनाअघि मात्रै दिल्ली फर्केका थिए । तिरुवा मतदान गर्न घर फर्के पनि उनीसँगै काम गर्ने अधिकांश नेपाली यस पटक आएका छैनन् ।
नेपाल सरकारले फाप्ला अन्तर्राष्ट्रिय क्रिकेट मैदान एवं खेलग्राम पूर्वाधार निर्माण विकास समितिको अध्यक्षमा अभियन्ता सुवास शाहीलाई नियुक्त गरेको छ । सोमवार बसेको मन्त्रिपरिषद बैठकले शाहीलाई अध्यक्ष र कल्पना दियाकोटीलाई सदस्यमा मनोनीत गरेको हो । शाही र दियाकोटीले बुधबार युवा तथा खेलकुद मन्त्री महेश्वरजंग गहतराजबाट नियुक्तिपत्र बुझेका छन् ।
कैलालीको पूर्वी कुनामा पर्ने खक्रौला नाकामा सुदूरपश्चिम प्रदेश सरकारले २ करोड बढीको लागतमा कैलाश मानसरोवर प्रवेशद्वार बनाउन लागेको छ । गत आर्थिक वर्षमा ५० लाख विनियोजन गरेर प्रवेशद्वार निर्माणको काम सुरु भएको प्रदेश वन उद्योग वातावरण र पर्यटन मन्त्रालयका पर्यटन एकाइ प्रमुख भोजराज पाठकले बताए । उनले भने, ‘ठेकेदार कम्पनी एमएमडी कन्स्ट्रक्सनले कोभिडका कारण काम गर्न सकेन ।’ उनले ठेकेदारले १३/१४ लाख बराबरको कामको भुक्तानी लिएको बताए ।
कैलालीको अत्तरियादेखि गोदावरीसम्मको ६ लेन सडक निर्माण आयोजना खारेज (फेज आउट) हुने जोखिम बढेको छ । आउँदो असारमा आयोजना सक्नुपर्ने भए पनि हाल काम नभइरहेकाले अन्तिम चरणमा रहे पनि आयोजना खारेजी हुने जोखिम बढेको हो । अत्तरिया–धनगढी भन्सारसम्मको १४.५ किलोमिटर सडकको काम करिब ७ प्रतिशत मात्रै बाँकी छ ।
कैलालीको भजनी–५ लालबोझीमा उनको घर थियो । उब्जाउ हुने खेतबारी थिए । नजिकै छरछिमेक र आफन्त हुँदा रमाइलो संसार थियो । गएको साउन ५ गते विपद्ले नलखेटेको भए उनी उसरी नै खुसीसाथ बसिरहेका हुन्थे । तर, सधैं शान्त रहने कान्द्रा नदी त्यस दिन सायद बौलाएको थियो । बाढी बोकेर त्यो लालबोझी गाउँ पस्यो, पूरै गाउँलाई डुबायो ।
