कैलालीमा एक युवकको हत्याको आंशकामा तीन जना पक्राउ- सुदूरपश्चिम - कान्तिपुर समाचार

कैलालीमा एक युवकको हत्याको आंशकामा तीन जना पक्राउ

गणेश चौधरी

टीकापुर — लम्कीचुहा नगरपालिका–३ का २२ वर्षीय भरत तिमिल्सिनाको हत्या भएको आशंका गरिएको छ ।

जानकी गाउँपालिका–५ मा बिहीबार आक्रमणमा परेका तिमिल्सिनाको उपचारका क्रममा नेपालगन्जस्थित भेरी अस्पतालमा मृत्यु भइएको हो । मृतकको टाउकोमा चोट लागेकाले हत्याको आंशका गरिएको प्रहरीले बताएको छ ।

तिमिल्सिनालाई कुटपिट गरी हत्या गरेको आशंकामा प्रहरीले जानकी गाउँपालिका–५ का मानबहादुर चौधरी, केशव टमाटा र समीर चौधरीलाई पक्राउ गरी घटनाको अनुसन्धान गरिरहेको इलाका प्रहरी कार्यालय टीकापुरका प्रहरी नायब उपरीक्षक मधुसुदन घिमिरेले बताए ।

प्रकाशित : कार्तिक १४, २०७७ ११:५९
प्रतिक्रिया
पठाउनुहोस्

घरघरमै स्वास्थ्य परीक्षण

गणेश चौधरी

टीकापुर — कोरोना महामारीका बेला टीकापुर नगरपालिकाको ७ नं वडा कार्यालयले आफ्ना नागरिकलाई घरमै स्वास्थ्य परीक्षणको व्यवस्था मिलाएको छ । 

स्वास्थ्य चौकीमा भिडभाड हुने र संक्रमणको जोखिम बढी हुने भएकोले घरमै स्वास्थ्यकर्मीले सामान्य जाँचका साथै स्वास्थ्य शिक्षा दिने व्यवस्था गरिएको वडाध्यक्ष रामलाल डगौरा थारुले बताए । ‘जेष्ठ नागरिक, अपांग तथा बालबालिकाहरुलाई लक्षित गरी घरदैलो स्वास्थ्य परीक्षण कार्यक्रम संचालन गरेका हौं’ उनले भने, ‘अरुले अस्पतालमा गएर स्वास्थ्य जॉच गराउन सक्ने भए पनि शारीरिक रुपमा अलि कमजोर हुने भएकालाई प्राथमिकतामा राखेर सेवा संचालन गरेका हौं ।’

वडाका सबै घरमा गएर नागरिकको स्वास्थ्य समस्या बुझ्ने र सामान्य उपचारका लागि एक अनमी खटाइएको वडाध्यक्ष थारुले बताए । उनका अनुसार स्वास्थ्यलाई संविधानमा नै मौलिक हकका रुपमा व्यवस्था गरिएपछि जनताको हक कार्यान्वयनका लागि पनि यो कार्यक्रम सुरु गरिएको हो ।

घरदैलो स्वास्थ्य परीक्षण कार्यक्रम यो आर्थिक वर्षभरी निरन्तर सञ्चालन रहने जनाइएको छ ।

अनमी शान्ति ढुंगाना नेपालीले भनिन्, ‘घरदैलोमै स्वास्थ्य सेवा पाउँदा नागरिक खुसी छन् ।’ घरमै उपचार हुन नसक्ने खालका बिरामीलाई उपचारका लागि अस्पताल जान सल्लाह दिने गरिएको उनले बताइन् ।


प्रकाशित : आश्विन ९, २०७७ २०:१४
पूरा पढ्नुहोस्
प्रतिक्रिया
पठाउनुहोस्
×