हत्या गरिएका दुई प्रहरीका परिवारलाई प्रदेश सरकारले २–२ लाख दिने

धनगढी नजिकै जुगेडा प्रहरी चौकीमा कार्यरत असई गोविन्द विक र जवान रामबहादुर साउदको शनिबार राति सीमा क्षेत्रमा गस्तीमा रहेका बेला तस्करहरुको समूहले हत्या गरेको थियो । नेपालबाट भारथतिर मटर तस्करी गर्दै गरेका तस्करहरुलाई रोक्न खोज्दा उनीहरुको हत्या भएको प्रहरीले बताएको छ । विक कञ्चनपुर पुनर्वास र जवान साउद अछाम जयगढका हुन् ।

बिहीबार मन्त्रीपरिषदको बैठकले परिवारका सदस्यहरुलाई एक लाख तत्काल प्रदान गर्ने र एक लाख मृतकका सन्तानको लागि मुद्धति खातामा राखिदिने निर्णय गरिएको आर्थिक मामिला तथा योजनामन्त्री झपटबहादुर बोहराले बताए ।