महाकाली राजमार्ग दुई दिनदेखि अवरुद्ध, तटबन्धबाट यातायात सञ्चालनको तयारी
दार्चुला — आइतबार रातिको अविरल वर्षासँगै धौलीगाड खोलामा आएको बाढीले कल्भर्ट बगाएपछि दार्चुला सदरमुकाम खलंगा जोड्ने महाकाली राजमार्ग अवरुद्ध भएको छ ।
महाकाली नगरपालिका ५ स्थित धौलीगाड खोलामा १५ मिटर कल्भर्ट बगाउँदा राजमार्गमा अवरोध भएको हो । बाढीले कटान गरेर सडकका केही भागमा पहिरो खसेको छ ।
पानीको सतह घटीनसकेकोले तत्काल सडक सञ्चालन गर्न अप्ठ्यारो रहेको प्रमुख जिल्ला अधिकारी शरदकुमार पोखरेलले बताए । उनका अनुसार धौलीगाड खोलामा महाकाली लोकमार्गको सडक सञ्चालन गर्न समय लाग्ने हुँदा तटबन्ध माथि बनेको सडक सञ्चालनको प्रयास भइरहेको छ ।
महाकाली तटबन्धबाट यातायात सञ्चालन गर्न बुधबारसम्म लाग्ने प्रजिअ पोखरेलले बताए ।
प्रकाशित : श्रावण ६, २०७७ १६:१०प्रतिक्रिया
