पोखरीमा डुबेर २ बालकको मृत्यु
बझाङ — बझाङको तलकोट गाँउपालिकास्थित एक पोखरीमा पौडी खेल्ने क्रममा डुबेर २ जना बालकको मृत्यु भएको छ । मृत्यु हुनेमा तलकोट गाउँपालिका-३का ९ वर्षीय शोभान रोकाया र ८ वर्षीय सर्जन रोकाया रहेका छन् ।
आइतबार साँझ करिब साढे ५ बजेतिर सिँचाइको लागि बनाइएको पोखरीमा पौडीमा खेलिरहेको अवस्थामा उनीहरु डुबेको जिल्ला प्रहरी कार्यालय बझाङले जनाएको छ ।
डुबेर गम्भीर अवस्थामा पुगेका उनीहरुलाई स्थानीयले उद्धार गरी उपचारका लागि जिल्ला अस्पताल लैजाँदै गर्दा बाटोमा मृत्यु भएको बझाङका डीएसपी गणेश बमले बताए ।
प्रकाशित : श्रावण ४, २०७७ २०:१७प्रतिक्रिया