पृथ्वी नारायण शाहको सालिक अनावरण
महेन्द्रनगर — नेपाली सेनाले महेन्द्रनगरकमा पृथ्वी नारायण शाहको सालिक अनावरण गरेको छ । गुरुपूर्णिमाको अवसर पारेर सेनाको महेन्द्रनगर भगतपुरस्थित २५ नं. वाहिनीको मुल गेटमा आइतबार पृथ्वी नारायण शाहको पूर्ण कदको सालिकको अनावरण गरेको हो ।
सेनाको सुदूरपश्चिम पृतनाका पृतनापति निर्मल कुमार थापाले सालिक अनावरण गरे ।
वाहिनीको १६ औं स्थापना दिवस समेत गुरुपूर्णिमाकै दिन परेकाले नेपाल एकीकरणका महानायक पृथ्वी नारायण शाहको सालिक सुदूरपश्चिम पृतनाको समन्वयमा तयार गरि स्थापना गरिएको वाहिनीपति शंकर बहादुर पण्डितले जानकारी दिए ।
वाहिनीको संगठनभित्रकै मुर्तिकार केशव आचार्यले मुर्ति तयार पारेका हुन् ।
प्रकाशित : असार २१, २०७७ १९:५५प्रतिक्रिया
