कान्तिपुर वेबसाईट
AdvertisementAdvertisement

पृथ्वी नारायण शाहको सालिक अनावरण

चित्रांग थापा

महेन्द्रनगर — नेपाली सेनाले महेन्द्रनगरकमा पृथ्वी नारायण शाहको सालिक अनावरण गरेको छ । गुरुपूर्णिमाको अवसर पारेर सेनाको महेन्द्रनगर भगतपुरस्थित २५ नं. वाहिनीको मुल गेटमा आइतबार पृथ्वी नारायण शाहको पूर्ण कदको सालिकको अनावरण गरेको हो ।

सेनाको सुदूरपश्चिम पृतनाका पृतनापति निर्मल कुमार थापाले सालिक अनावरण गरे ।

वाहिनीको १६ औं स्थापना दिवस समेत गुरुपूर्णिमाकै दिन परेकाले नेपाल एकीकरणका महानायक पृथ्वी नारायण शाहको सालिक सुदूरपश्चिम पृतनाको समन्वयमा तयार गरि स्थापना गरिएको वाहिनीपति शंकर बहादुर पण्डितले जानकारी दिए ।

वाहिनीको संगठनभित्रकै मुर्तिकार केशव आचार्यले मुर्ति तयार पारेका हुन् ।

प्रकाशित : असार २१, २०७७ १९:५५
प्रतिक्रिया
पठाउनुहोस्

फेसबुक लाइभ गरेर आत्महत्या

कान्तिपुर संवाददाता

चितवन — सामाजिक सञ्जाल फेसबुकमा लाइभ गरेर चितवनमा पनि एकजना युवतीले आत्महत्या गरेकी छन् । केही दिनअघि दाङमा पनि यस्तै घटना भएको थियो । 

चितवन जिल्ला प्रहरी कार्यालयबाट प्राप्त विवरण अनुसार शनिबार राति पौने ९ बजेतिर भरतपुरको स्याउली बजारमा एकजना १९ वर्षीया युवतीले झण्डिएर आत्महत्या गरेकी हुन् ।

उनले फेसबुकमा लाइभ भएर आत्महत्या गरेको चितवन जिल्ला प्रहरी कार्यालयका प्रहरी निरीक्षक सुभास भट्टले जानकारी दिए ।

भरतपुर महानगरपालिका घर भएकी ती युवतीले भरतपुरमा बसेर उनले ब्युटि पार्लर र अनलाइन व्यवसायको काम गर्दै आएको प्रहरी निरीक्षक भट्टले बताए ।

घटनास्थल चितवन जिल्ला प्रहरी कार्यालयबाट लगभग पाँच सय मिटर दक्षिणमा पर्छ । आत्महत्या गर्नुको कारण नखुलेको प्रहरीले जनाएको छ ।

प्रकाशित : असार २१, २०७७ १९:४२
पूरा पढ्नुहोस्
प्रतिक्रिया
पठाउनुहोस्
×