धारिलो हतियार प्रयोग गरी एकको हत्या
कञ्चनपुर — कञ्चनपुरको दक्षिणी क्षेत्रमा पर्ने पुनर्वास नगरपालिका–५ मा शनिबार राति एक जनाको हत्या भएको छ । धारिलो हतियार प्रयोग गरी स्थानीय ५० वर्षीय गोपाल कुँवरको हत्या भएको प्रहरीले जनाएको छ ।
जिल्ला प्रहरी कार्यालय कञ्चनपुरका डीएसपी अमरबहादुर थापाका अनुसार स्थानीय गौरव खडकाले धारिलो हतियार प्रयोग गरी कुँवरको हत्या गरेका हुन् ।
घटनालगत्तै फरार भएका खडकाको खोजी भइरहेको डीएसपी थापाले बताए । धनगढीबाट अनुसन्धानका लागि कुकुरसमेत मगाइएको थापाले जानकारी दिए ।
प्रकाशित : असार २१, २०७७ १०:१७प्रतिक्रिया
