खानेपानी धारामा करेन्ट लाग्दा मृत्यु
डोटी — कोरोना संक्रमितहरुलाई निषेध गर्न खानेपानी धारामा छोडेको करेन्ट लाग्दा डोटीमा एक महिलाको शनिबार मृत्यु भएको छ ।
जिल्ला प्रहरी कार्यालयका प्रहरी नायव उपरीक्षक इन्द्र मल्लका अनुसार आदर्श गाउँपालिका ७ दहकालिका स्थानकी तुलसी बागको धारामा करेन्ट लाग्दा मृत्यु भएको हो । धारा नजिकै घर भएका १८ वर्षीय सुरज किमाडीले पानी ट्यांकीमा विद्युत्को तार जोडेर करेन्ट छोडेका थिए ।
पानी भर्न गएकी २५ वर्षीया तुलसी बागको घटनास्थलमै मृत्यु भएको छ ।
प्रहरीले करेन्ट लगाएको आरोप लागेका सुरज किमाडीलाई नियन्त्रणमा लिएको छ ।
प्रतिक्रिया