झारफुक गर्ने बहानामा महिलालाई बलात्कार गरेको आरोपमा एक युवक पक्राउ परेका छन् । २० वर्षीया महिलाले बुधबार दिएको उजुरीका आधारमा जोरायल गाउँपालिका–३ का ३१ वर्षीय टेकबहादुर ओली पक्राउ परेका हुन् ।
डोटी अस्पतालमा कोरोना परीक्षण प्रयोगशाला स्थापना गरिएको छ । सुदूरपश्चिम प्रदेश सरकारको सामाजिक विकास मन्त्रालयको सहयोगमा स्थापित प्रयोगशालाको मंगलबार मुख्यमन्त्री त्रिलोचन भट्टले उद्धघाटन गरे ।
साँघुरो घुम्तीमा चालकले गति नियन्त्रित गर्न नसक्दा डोटीमा बुधबार बस दुर्घटना भएको छ । घटनामा तीन जनाको मृत्यु भएको छ भने ३३ यात्रु घाइते भएका छन् । भारतबाट घर फर्केका यात्रु बोकेर कैलालीको गौरीफन्टा नाकाबाट अछाम गइरहेको ना६ख २५२९ नम्बरको बस पूर्वीचौकी गाउँपालिकाको–१ तल्लो फुलोटमा बिहान ६ बजे सडकबाट खसेको हो ।
डोटीमा बस पल्टिँदा मृत्यु भएका ३ जनाको सनाखत भएको छ । जिल्ला प्रहरी कार्यालय डोटीका प्रहरी निरीक्षक कर्ण बोहराका अनुसार मृत्यु हुनेमा मंगलसेन–७, अछामकी ५५ वर्षीया धनी शाही , बान्नीगढ जयगढ गाउँपालिका ३ अछामका ६० वर्षीय पदम साउद र चौरपाटी गाउँपालिका वडा नम्बर ४ अछामका ३० वर्षीय टीकाराम विक रहेका छन् ।
डोटीमा बस दुर्घटना हुँदा ३ जनाको मृत्यु भएको छ भने ३१ जना घाइते भएका छन् । भारतबाट फर्किएका यात्रु बोकेर धनगढीबाट अछाम आइरहेको ना ६ ख २५२९ नम्बरको बस डोटीको पूर्वीचौकी गाउँपालिका वडा नम्बर १ तल्लो फुलोटमा बुधबार बिहान ६ बजेतिर दुर्घटना भएको हो ।
डोटीको आदर्श गाउँपालिका–१ बाझककानी, खलगडामा घर भत्किँदा एकै परिवारका चार जनाको मृत्यु हुनुका साथै पाँच जना घाइते भएका छन् । स्थानीय लोगे लुहारको घर सोमबार राति साढे एक बजेतिर भत्किएको हो ।
बडीकेदार गाउँपालिका ३ सुनालेकमा मिनी ट्रक दुर्घटना हुँदा बाबुछोराको ज्यान गएको छ । से १ ख १२६२ नम्बरको मिनी ट्रक सोमबार दिउँसो पौने ३ बजे दुर्घटना भएको हो ।
