डोटीमा मिनी ट्रक पल्टँदा बाबुछोराको मृत्यु
डोटी — बडीकेदार गाउँपालिका ३ सुनालेकमा मिनी ट्रक दुर्घटना हुँदा बाबुछोराको ज्यान गएको छ । से १ ख १२६२ नम्बरको मिनी ट्रक सोमबार दिउँसो पौने ३ बजे दुर्घटना भएको हो ।
दुर्घटनामा ४० वर्षीय डबल पुनमगर र उनका १३ वर्षीय छोरा धिरजको मृत्यु भएको प्रहरीले जनाएको छ । प्रहरीका अनुसार पानी परेको बेला ट्रक भीरमा खसेको हो ।
ट्रकमा सवार अन्य ब्यक्तिहरुले भने हाम्फालेर ज्यान जोगाएका थिए । ट्रक चालक श्यामलाल चौकरी भने फरार रहेको प्रहरीले जनाएको छ ।
प्रतिक्रिया
