क्वारेन्टाइनमै सुत्केरी
अछाम — भारतको दिल्लीबाट आएर मेल्लेख गाउँपालिका–३ ठाँटीस्थित नवदुर्गा माविको क्वारेन्टाइनमा बसेकी सुना नेपालीले सुत्केरी भएकी छन् । २६ वर्षीया नेपालीले शुक्रबार बिहान छोरा जन्माएकी हुन् ।
ठाटीस्थित बगुडा स्वास्थ्य चौकी इन्चार्ज नरेन्द्र शाहका अनुसार बेथा लागेपछि क्वारेन्टाइनमै अनमी सम्झना सिंहलाई पठाएर सुरक्षित सुत्केरी गराइएको हो । शिशुको तौल साढे ३ किलो रहेको र आमाबच्चा दुवै स्वस्थ रहेको शाहले बताए ।
गत मंगलबार अछाम आइपुगेका नेपाली र श्रीमान् दक्षबहादुरलाई क्वारेन्टाइनमा राखिएको थियो । सुत्केरी भएपछि भने उनलाई होम क्वारेन्टाइनमा बस्ने गरी पठाइएको स्वास्थ्य चौकीले जनाएको छ ।
प्रकाशित : जेष्ठ १६, २०७७ १८:४०प्रतिक्रिया
