सुदूरपश्‍चिममा थप एकजनामा कोरोना संक्रमण

मोहन बुढाऐर

धनगढी — सुदूरपश्चिममा आइतबार थप एक जनामा कोरोना पोजिटिभ देखिएको छ । सेती प्रादेशिक अस्पतालको प्रयोगशालामा आइतबार गरिएको परीक्षणमा अछाम मल्लेख गाउँपालिका ४ घर भएका ३२ वर्षीय युवामा कोरोना पोजेटिभ देखिएको अस्पतालका सूचना अधिकारी दिलीपकुमार श्रेष्ठले बताए । संक्रमित आइसोलेसन कक्षमा थिए । 

बिहीबार गौरीफन्टा सीमा नाकाबाट उनलाई उद्धार गरी सेती अस्पतालको आइसोलेसन कक्षमा ल्याइएको थियो । आरडीटी परीक्षणमा कोरोना पोजिटिभ देखिएपछि सीमानाकाबाट उनको उद्धार गरिएको थियो । पीसीआर पद्धतिबाट आइतबार कोरोना पोजिटिभ रिपोर्ट आएको हो । बिहीबार उनी भारतका विभिन्न सहरबाट आएका २ हजार ४ सय ९८ जनाको भीडमा थिए । बिहीबार भित्रिएका २ हजार ४ सय ९८ जना नेपालीहरुमध्ये ७ सय ७५ जनाको आरडीटी परीक्षण गरिएको थियो । जसमध्ये १२ जनाको आरडीटी परीक्षण पोजिटिभ देखिएको थियो । आरडीटी पोजिटिभ देखिएका सबैलाई सेती अस्पतालको आइसोलेसन कक्षमा राखेर थ्रोट स्वाब लिइएको थियो ।

शनिबार ४ जनाको रिपोर्ट कोरोना पोजिटिभ देखिएको थियो । भारतका विभिन्न सहरबाट बुधबारदेखि गौरीफन्टा नाकामा दैनिक २ हजारको संख्यामा नेपाली पुग्न थालेका छन् । किट अभावमा आरडीटी परीक्षण रोकिएको छ ।

सुदूरपश्चिममा कोरोना पोजिटिभको संख्या १५ पुगेको छ । जसमध्ये ५ जना निको भएर घर फर्किसकेका छन् । डडेलधुरा बैतडी एक/ एक टिकापुर अस्पतालमा ३, सेती अस्पतालमा ५ जना संक्रमित छन् ।


प्रकाशित : जेष्ठ ११, २०७७ २१:१३
प्रतिक्रिया
पठाउनुहोस्

प्याकेजमा संविधान संशोधनको पक्षमा जनता समाजवादी

कान्तिपुर संवाददाता

काठमाडौँ — संसदका विपक्षी दलहरु राजपा र समाजवादीले संविधान संशोधनको मुद्दा प्याकेजकै रुपमा आउनुपर्ने बताएका छन् । सरकारले ल्याएको संविधान संशोधनको मुद्दालाई मात्रै समर्थन दिने या नदिने भन्ने बिषयमा उनीहरुले औपचारिक दृष्टिकोण बनाउन सकेका छैनन् ।

सविधान संशोधनको बिषयमा छलफल गर्न समाजवादी र राजपाको संसदीय दलको आईतबार अलग—अलग बैठक बसेको थियो । दुवै दलको बैठकपछि संयुक्त बैठक

बसेर औपचारिक दृष्टिकोण बनाउने तयारी छ । यी दुई पार्टीबीच एकता भइ जनता समाजवादी दर्ताको प्रक्रियामा छ ।

‘तत्कालीन कांग्रेस र माओवादी केन्द्रको संयुक्त सरकारले अघि बढाएको संशोधनकै बिषयलाई सँगै लैजाउँ भन्ने हाम्रो माग छ, अरु नयाँ बिषय छैन,’सरकारले तपाईहरुले भनेजस्तै प्याकेजमै संशोधनको प्रस्ताव नल्याए के गर्नुहुन्छ त भन्ने प्रश्नमा राजपा नेता महेन्द्र राय यादवले भने,‘समय छ । छलफल गर्छौं ।’उनले अतिक्रमित भूमि फिर्ताका लागि भारतसँग कुटनीतिक छलफलका लागि वार्ता पनि सँगै अघि बढाउनु पर्नेमा आफूहरुको जोड रहेको बताए ।

समाजवादीका महसाचिव रामसहायप्रसाद यादवले प्याकेजमै संविधान संशोधनको बिषयलाई समाजवादीले उठाएको बताए ।

प्रकाशित : जेष्ठ ११, २०७७ २०:५९
पूरा पढ्नुहोस्
प्रतिक्रिया
पठाउनुहोस्
×