घर फर्किँदै गरेका नेपाली दिनभर सीमामा अलपत्र

मंगलबार बिहानैदेखि उनीहरु नाकामा रोकिएका हुन् । सशस्त्र प्रहरीको राजश्व तथा भन्सार सुरक्षा गुल्म गड्डाचौकीका डिएसपी केशव प्याकुरेलका अनुसार बिरामी र तिनका कुरुवा गरी ३९ जना र काम गरेर फर्किन लागेका १७ जना नाकामै रोकिएका हुन् ।

यसैगरी भारततर्फ पनि ४०/५० जना रोकिएका छन् । ‘दिनभरि रोकिएर बसेकाहरुलाई चाउचाउ र बिस्कुट दिएका छौं’ डिएसपी प्याकुरेलले भने, ‘नाकाबाट भित्रिने दिने कुनै निर्देशन आएको छैन ।’ सोमबार पनि भारतबाट आएका ३ सय बढीलाई दिनभरि नाकामै रोकेर साँझमात्रै छाडिएको थियो ।