निर्मला पन्त प्रकरण : धर्नामा प्रहरी हस्तक्षेप

सो क्रममा अधिकारकर्मी शारदा चन्द घाइते भएकी छन् । उनको घाँटी र पेटमा चोट लागेको छ । महाकाली अस्पतालमा उपचार हुन नसकेर उनलाई धनगढी रिफर गरिएको छ । ‘हामी शान्तिपूर्ण रूपमा धर्नामा थियौं, प्रहरीले हामीमाथि दमन गरेको छ,’ अधिकारकर्मी चन्दले भनिन्, ‘पुरुष प्रहरीले समेत हातपात गरे ।’

डेढ वर्षअघि भएको घटनामा संलग्न हालसम्म पनि पत्ता नलागेको भन्दै उनीहरूले धर्ना दिएका थिए । धर्नाकारीले निर्मलाको न्यायका लागि भएको आन्दोलनमा घाइते भएकाहरूले उपचार खर्च पाउनुपर्ने समेत माग राखेका छन् । ‘वास्तविक अपराधी पत्ता लगाउनुपर्ने हाम्रो मुख्य माग हो,’ अर्की अधिकारकर्मी लक्ष्मी मल्लले भनिन् ।