असिना पानीले अन्नबाली नष्ट 

संगीता तिमिल्सेना 

बाजुरा — जिल्लाको बडीमालिका नगरपालिका–१ मा सोमबार बेलुकी आएको असिना पानीले अन्नबाली, तरकारी र फलफूल खेतीमा क्षति पुर्‍याएको छ  । सोमबार दिउँसो ४  बजे आएको असिना पानीले पाक्न लागेको कोदो, फापर, धान, सुन्तला, केरा र तरकारी बालीमा क्षति गरेको स्थानीय कृषक हर्कबहादुर कार्कीले बताए । उनले वडाको पिनालेख, पाटा, नुवाकोट र सल्लेनाका करिब ११ सय कृषकको बाली नष्ट गरेको कान्तिपुरसँग बताए । 

बालीमा क्षति भएपछि आफू र छोराछोरीलाई पाल्न दैनिक ज्याला मजुदरी गर्न भारतमा जानुपर्ने अवस्था आएको कार्कीले कान्तिपुरसँग भने । अन्नबाली नष्ट भएको गुनासो सुनाएपछि बडीमालिका नगरपालिका उपप्रमुख कविता विष्टले क्षतिको यथार्थ विवरण आएपछि नियमअनुसार राहत दिने बताइन् ।

नगरपालिकाले बनाएको दैवी प्रकोप राहत कोषअनुसार कृषकको क्षतिको अवस्था हेरी राहतका लागि पहल गर्ने नगर उपप्रमुख विष्टले आश्वासन दिए ।

प्रकाशित : कार्तिक १९, २०७६ ११:३२
ADVERTISEMENT
प्रतिक्रिया
पठाउनुहोस्
ADVERTISEMENT

स्वास्थ्य चौकीमै सुत्केरीको मृत्यु

संगीता तिमिल्सेना 

बाजुरा — त्रिवेणी नगरपालिकास्थित छतारा स्वास्थ्य चौकीमा एक जना सुत्केरीको ज्यान गएको छ । सुत्केरी भएको ६ घण्टापछि छतारा स्वास्थ्य चौकीमा ३७ वर्षीया रेजीया नेपालीको मृत्यु भएको स्वास्थ्यकर्मी सुमित्रा पाध्यायले बताइन् ।

प्रतिकात्मक तस्बिर ।

त्रिवेणी नगरपालिका १ छतारा विशाल बजार बस्ने रेजीया नेपाली चौथो सन्तान जन्माउन स्वास्थ्य चौकी पुगेकी थिइन् । सन्तान पाएको ६ घण्टापछि बेहोस भएर मृत्यु भएको पाध्यायको भनाई छ ।

‘रेजीयाले घरबाट स्वास्थ्य संस्था ल्याएको २ मिनेटमै बच्चा जन्माएकी थिइन् । अवस्था सामान्य नै थियो । ११ बजेर २ मिनेटमा स्टेचरमा राखेर आफन्तले स्वास्थ्य चौकी पुर्‍याएका हुन् । बेडमा लिन नपाउँदै बच्चा जन्माएकी थिइन् । साढे चार बजेसम्म अवस्था राम्रै थियो, बिहान ५ बजेपछि एकाएक बेहोस भएर ज्यान गएको हो’ स्वास्थ्यकर्मी पाध्यायले भनिन् ।

जिल्लाबाट यस अघि ५ जना सुत्केरीको हेलिकप्टरबाटै उद्दार गरेर ज्यान बचाइएको थियो । नियमित स्वास्थ्य जाँच नगर्ने र स्वास्थ्यकर्मीको परामर्श नलिने गरेकै कारण जिल्लामा सुत्केरीले अकालमै ज्यान गुमाउन बाध्य छन् ।

स्वास्थ्य संस्था नजिक नहुँदा र सबै ठाउँसम्म सडकको पहुँच नहुँदा पनि नियमित गर्भजाँच र सुत्केरी गराउन समस्या हुने गरेको छ ।

प्रकाशित : कार्तिक १६, २०७६ १६:१४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT