जुम्लाको हिमामा रैथाने बाली संरक्षण कार्यक्रम

उपाध्यक्ष सुपुर्ना शाहीले नीति तथा कार्यक्रम र बजेट प्रस्तुत गर्दै रैथाने बाली संरक्षण अभियानमा किसानहरूलाई सामेल गराउने बताइन् ।

उपाध्यक्ष शाहीले आगामी वर्षमा कृषि उत्पादनमा विषादीको प्रयोगलाई निषेध गरिने जनाएकी छिन् । हिमाले जडिबुटी खेती गर्ने किसानलाई प्रोत्साहित गर्ने,भूक्षयबाट जनधन र जमिन बचाउन जलवायु अनुकूलन कार्यक्रम सञ्चालन गर्ने नीतिसमेत लिइएको पालिका अध्यक्ष लक्ष्मणबहादुर शाहीले बताए ।

अध्यक्ष शाहीले उच्च शिक्षा एमबीबीएस,इन्जिनियरिङ,पाइलट र महिलातर्फ मास्टर नर्सिङ अध्ययनका लागि प्रतिव्यक्ति १० लाख रुपैयाँसम्म छात्रावृत्ति प्रदान गर्ने नीति लिइएको बताए ।