कान्तिपुर वेबसाईट
AdvertisementAdvertisement
१६.१२°C काठमाडौं
काठमाडौंमा वायुको गुणस्तर: १५८

दैलेखमा सवारी दुर्घटना हुँदा ३ को मृत्यु, ३ गम्भीर घाइते

ज्योति कटुवाल

दैलेख — गुराँस गाउँपालिकाको बान्द्रे र तल्लो डुगेश्वरमा भएका सवारी दुर्घटनामा ३ जनाको मृत्यु भएको छ । दुर्घटनामा १५ जना घाइते भएका छन् भने ३ जनाको अवस्था गम्भीर छ ।  

दैलेखमा सवारी दुर्घटना हुँदा ३ को मृत्यु, ३ गम्भीर घाइते

जिल्ला प्रहरी कार्यालयका अनुसार मंगलबार दिउँसो गुराँस गाउँपालिकाको बान्द्रेमा बा–४ ख ६७७१ नम्बरको टिपर दुर्घटना हुँदा २ जनाको घटनास्थलमै ज्यान गएको छ भने १ जना गम्भीर घाइते भएका छन् । मृतकको पहिचान खुल्न नसकेको र घाइतेलाई उपचारका लागि सुर्खेत पठाइएको जिल्ला प्रहरी प्रमुख डीएसपी अनुपम श्रेष्ठले बताए । उनका अनुसार टिपर सडकबाट करिब ९ सय मिटर तल लोहोरेखोलामा खसेको छ ।

त्यस्तै सुर्खेतबाट जम्भुकाँध जाँदै गरेको ना–३ ख ५५१९ नम्बरको बस तल्लो डुंगेश्वरमा दुर्घटना हुँदा चालक सुर्खेतको वीरेन्द्रनगर नगरपालिकाका ललित नेपालीको मृत्यु भएको छ ।

कर्णाली राजमार्गको तल्लोडुंगेश्वर नजिकै सडकमा रोकिएको टिपरमा बस ठोकिँदा दुर्घटना भएको डीएसपी श्रेष्ठले बताए । उनका अनुसार बसमा सवार १४ यात्रु घाइतेमध्ये २ जनाको अवस्था गम्भीर छ । दुवै घटनाबारे थप अनुसन्धान भइरहेको डीएसपी श्रेष्ठले बताए ।

प्रकाशित : कार्तिक ४, २०७७ १७:१७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?