किर्ते गरेको आरोपमा वडा कार्यालयमा तालाबन्दी

उपभोक्ता समिति गठन गर्दा आफूहरुलाई बेवास्ता गरेको नेकपा कार्यकर्ताको आरोप छ । एकपक्षीय रुपमा समिति गठन गरिएकाले कार्यालयमा तालाबन्दी गरिएको नेकपा जिल्ला कमिटी सदस्य भोला बुढाथोकीले बताए । सर्वदलीय उपभोक्ता समिति गठन नगरिँदासम्म ताला नखोलिने उनको भनाइ छ ।

कोरोनाको जोखिमका कारण औपचारिक कार्यक्रम र भेला गर्न समस्या भएपछि उपभोक्ताको घरघरमा गएर उपभोक्ता समिति गठन गरिएको वडाध्यक्ष हमालले बताए । ‘कुनै गलत कार्य गरिएको छैन,’ उनले भने, ‘तर राजनीतिक प्रतिशोधका कारण कार्यालयमा तालाबन्दी गरियो ।’ वडा कार्यालयमा तालाबन्दी गर्नेविरुद्ध प्रहरीमा किटानी जाहेरी दिन थालेको उनले बताए ।