शिक्षक कुट्नेहरूविरुद्ध ज्यान मुद्दा- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

शिक्षक कुट्नेहरूविरुद्ध ज्यान मुद्दा

राजबहादुर शाही

मुगु — सोरु गाउँपालिका–३ भिई गाउँका एक शिक्षकलाई कुटपिट गर्ने व्यक्तिहरूविरुद्ध ज्यान मार्ने उद्योगमा मुद्दा दर्ता गरिएको छ । कालिका आधारभूत विद्यालयका शिक्षक विष्णुराज धामीलाई स्थानीय मनोज धामी, मिलन धामी, जीवन धामी, जगदीश धामी, अंगत धामी र इन्द्र सेजुवालले कुटपिट गरेका हुन् । घटनापछि उनीहरू फरार छन् ।

उनीहरूविरुद्ध मुद्दा दर्ता गरी खोजी जारी राखिएको प्रहरी नायब उपरीक्षक भुवनेश्वरप्रसाद साहले बताए । साउन २० गते राति शिक्षक धामीलाई उनीहरूले घरबाट टाढा पुर्‍याई मरणासन्न हुने गरी कुटपिट गरेका थिए ।

धामीको टाउको, पिठ्यु र छातीमा चोट लागेको छ । जिल्लामा उपचार सम्भव नभएपछि उनलाई हेलिकप्टरमार्फत कर्णाली प्रदेश अस्पताल लगिएको थियो । अहिले उनको अवस्था सुधारोन्मुख रहेको दाजु डिलबहादुर धामीले बताए ।

प्रकाशित : श्रावण २९, २०७७ १३:०७
प्रतिक्रिया
पठाउनुहोस्

ट्रक र अटो ठोक्किँदा दुई जनाको मृत्यु, एक घाइते

सुवास विडारी

मकवानपुर — मकवानपुरको हेटौंडा–३ स्थित बसामाडीको तीनताप्केमा अटो र ट्रक ठोक्किँदा २ जनाको मृत्यु भएको छ भने एकजना चालक घाइते भएका छन् ।


पूर्वपश्चिम राजमार्गअन्तर्गत् तीनताप्केमा बिहीबार मध्याह्न भएको सवारी दुर्घटनामा मृत्यु हुने २ जना पुरुष रहेको र अझै सनाखत हुन सकेको छैन । बसामाडीबाट नेवारपानीतर्फ जाँदै गरेको ना ६ ख १६११ नम्बरको ट्रकमा भित्रिरोडबाट राजमार्गतर्फ आउँदै गरेको ना २ ह ३४६५ नम्बरको अटो ठक्कर खाँदा ३ जना घाइते भएका थिए ।

घाइतेहरुलाई उपचारका लागि चुरेहिल अस्पतालमा ल्याएकोमा २ जनाको उपचारका क्रममा मृत्यु भएको जिल्ला प्रहरी कार्यालय मकवानपुरले जनाएको छ । मृतकको शव हेटौंडा अस्पतालको शव गृहमा राखिएको प्रहरीले जनाएको छ ।

घाइते अटो चालक मनहरी गाउँपालिका–५ बसन्तपुर बस्ने ४७ वर्षीय ठूलोकान्छा खड्काको चुरेहिलमा उपचार भइरहेको छ । उनको शरीरका विभिन्न भागमा चोट रहेको मकवानपुर प्रहरी नायब उपरीक्षक इन्द्रबहादुर रानाले जानकारी दिए ।

प्रकाशित : श्रावण २९, २०७७ १३:०५
पूरा पढ्नुहोस्
प्रतिक्रिया
पठाउनुहोस्
×