सानी भेरीमा बगेर बालक बेपत्ता 

हरि गौतम

रुकुम पश्चिम — सानी भेरी नदीमा बगेर एक बालक बेपत्ता भएका छन् । सानीभेरी गाउँपालिका–९ राङजाका १२ वर्षीय जनार्दन खड्का शुक्रबार दिउँसो बगेर बेपत्ता भएका हुन् ।

९ नम्बर वडाकै सुलीहाले भन्ने ठाउँमा पौडी खेल्ने क्रममा उनी बगेका थिए । अरु साथीहरुसँगै सानी भेरीको सानो भंगालोमा पौडी खेलिरहेका उनी बगेको प्रहरीले जनाएको छ ।

उनी बगेको सूचना पाएसँगै उनको खोजी भइरहेको छ । बगेको ठाउँ सुलिहालदेखि सानी भेरी गाउँपालिकाकै १ नम्बर वडा चाइना बगरसम्म उनको खोजी भइरहेको प्रहरीले जनाएको छ । स्थानीय र प्रहरी उनको खोजीमा जुटेको जिल्ला प्रहरी प्रमुख प्रहरी नायब उपरीक्षक ठगबहादुर केसीले जानकारी दिए ।

प्रकाशित : श्रावण १६, २०७७ १७:५१
प्रतिक्रिया
पठाउनुहोस्

रुकुम पश्‍चिममा कोरोना संक्रमण देखिएका २७ जना नै निको भए

हरि गौतम

रुकुम पश्चिम — दुई जना संक्रमित शुक्रबार डिस्चार्ज भएसँगै रुकुम पश्च‍िम कोरोनामुक्त जिल्ला बनेको छ । ती दुई संक्रमित जिल्ला अस्पतालको आइसोलेसनमा उपचारमा थिए । बिहीबारमात्रै चौरजहारी अस्पतालको आइसोलेसनबाट ६ जना संक्रमित डिस्चार्ज भएका थिए । जिल्लाका २७ जना व्यक्तिमा कोरोना संक्रमण भएको थियो ।

सबै जना कोरोना जितेर घर फर्किएको स्वास्थ्य सेवा कार्यालयका कोरोना रोग नियन्त्रण फोकल पर्सन ईश्वर रावलले बताए । उनका अनुसार जिल्लाका ६ मध्ये ५ स्थानीय तहमा संक्रमण देखिएको थियो । चौरजहारीका २०, बाँफिकोटका ३, सानीभेरीका २, मुसीकोट र त्रिवेणिका १/१ जनामा कोरोना संक्रमण देखिएको थियो । अहिलेसम्म आठबीसकोट नगरपालिकाका कसैलाई पनि कोरोना संक्रमण भएको छैन ।

प्रकाशित : श्रावण १६, २०७७ १७:४३
पूरा पढ्नुहोस्
प्रतिक्रिया
पठाउनुहोस्
×