कर्णालीको बजेट पारित

बुधबार बसेको कर्णाली प्रदेशसभाको बैठकमा आर्थिक मामिला तथा योजनामन्त्री प्रकाश ज्वालाले ‘पारित गरियोस्’ भनी गरेको प्रस्ताव सर्वसम्मतिले पारित भएको हो ।

प्रस्तावको विपक्षमा एकजनाको पनि मत नपरेपछि सभामुख राजबहादुर शाहीले आगामी आवको बजेट सर्वसम्मतिले पारित भएको घोषणा गरे ।

कर्णाली सरकारले आगामी आर्थिक वर्षका लागि ३३ अर्ब ७४ करोड १३ लाखको बजेट ल्याएको छ । प्रदेश सरकारले चालू खर्चतर्फ ११ अर्ब ६७ करोड ५७ लाख र पुँजीगततर्फ १९ अर्ब ६ करोड ९१ लाख रुपैयाँ विनियोजन गरेको छ ।