नीति तथा कार्यक्रम नल्याएको भन्दै तीन पालिकालाई स्पष्टीकरण सोधिने 

अदानचुली, ताजाकोट र चंखेली गाउँपालिकाले नीति तथा कार्यक्रम प्रस्तुत नगरेको भन्दै स्पष्टीकरण सोध्न थालिएको हो ।

जिल्ला सभामा सिमकोट, नाम्खा, खार्पुनाथ र सर्केगाड गाउँपालिकाले मात्र नीति तथा कार्यक्रम र बजेट प्रस्तुत गरेको जिसस प्रमुख दानबहादुर रावतले बताए । ‘सभामा उपस्थिति नजनाएका गाउँपालिकालाई स्पष्टीकरण सोधी बोधार्थ संघीय मामिला मन्त्रालयमा पठाउने निर्णय गरिएको छ,’ उनले भने, ‘स्थानीय तहलाई जवाफदेही बनाउन स्पष्टीकरण सोध्न थालेका हौं ।’