३ वर्षीया बालिका बलात्कार गरेको आरोपमा १३ वर्षीय किशोर पक्राउ

फागुन ११ गते बालकले बालिकामाथि बलात्कार गरेको भन्दै पीडित परिवारले फागुन १२ मा प्रहरीमा उजुरी दिएका थिए । कक्षा ६ मा पढने बालकले आफ्नै कोठामा लगेर बलात्कार गरेको पीडित परिवारले बताएको छ ।

पीडित बालिकाको स्वास्थ्य परीक्षण गरी कारबाही अगाडि बढाइएको जिल्ला प्रहरी कार्यालय सल्यानका प्रहरी निरीक्षक लक्ष्मण ओलीले बताएका छन् । पक्राउ परेका बालकलाई जिल्ला प्रहरी कार्यालय सल्यानको बाल निगरानी कक्षमा राखेर थप अनुसन्धान भइरहेको उनले जानकारी गराए ।