लडेर दुईको मृत्यु
सल्यान — जिल्लाको दार्मा गाउँपालिकामा लडेर दुई जनाको मृत्यु भएको छ ।
मृत्यु हुनेमा दार्मा ४ मसिनेका ५५ वर्षीय दलबहादुर बोहरा र सर्सुखोलाका २४ वर्षीय गणेश रावत छन् ।
बोहराको लाखुरेडाँडा र रावतको भैँसीटाकुरीबाट लडेर मृत्यु भएको प्रहरीले जनाएको छ ।
मदिरा सेवन गरेका कारण लडेर उनीहरुको मृत्यु भएको जिल्ला प्रहरी कार्यालय सल्यानका प्रहरी नायव उपरीक्षक ढकेन्द्र खतिवडाले पुष्टि गरे ।
बिहीबारदेखि हराईरहेका रावत शनिबार भैँसीटाकुरी भीरमा मृत भेटिएका थिए ।
प्रकाशित : पुस २७, २०७६ १३:१७
