बाँकेमा थप ११ जनामा कोरोना- प्रदेश ५ - कान्तिपुर समाचार
कान्तिपुर वेबसाईट
AdvertisementAdvertisement

बाँकेमा थप ११ जनामा कोरोना

मधु शाही

बाँके — बाँकेमा सोमबार थप ११ जना कोरोना संक्रमित थपिएका छन् ।

नेपालगन्जका २ जनासहित ९ जनालाई कोरोना पुष्टि भएको हो । जसमा ७ जना रुकुम पूर्वका छन् । भेरी अस्पताल, नेपालगन्जले दिउँसाे साढे २ बजे सार्वजनिक गरेको विवरणमा नेपालगन्जको ४, १०,१४, १७ र २० नम्बर वडामा कोरोना देखिएको छ ।

एक जना वडा अध्यक्षसहित ७ जना कर्मचारीलाई कोरोना संक्रमण भेटिएको जिल्ला प्रमुख प्रशासन अधिकारी रामबहादुर कुरुम्वाङले बताए । ५ दिनभित्र ६७ जना संक्रमित देखिएको हो ।

संक्रमण बढ्दै गएपछि बाँकेमा आइतबारदेखि मंगलबारसम्म तीन दिनका लागि निषेधाज्ञा जारी गरिएको छ । स्थीति भयावह हुने सम्भाना देखिएकाले निषेधाज्ञा थप गर्नु पर्ने सिडियो कुरुम्वाङले जनाए ।

वडा अध्यक्षलाई कोरोना भेटिएपछि नेपालगन्ज उपमहानगरपालिका अनिश्चितकालका लागि सिल गरिएको छ ।

प्रकाशित : श्रावण १९, २०७७ १८:४८
प्रतिक्रिया
पठाउनुहोस्

गाउँगाउँमा झाँक्री नाचको रौनक

राजबहादुर शाही

मुगु — यहाँका गाउँबस्तीमा झाँक्री नाचको रौनक सुरु भएको छ । जिल्लाका कार्कीबाडा, ढुम, तलितुम, पिना, टोप्लाझयारी, मुर्मालगायत गाउँमा जनै पूर्णिमादेखि एक सातासम्म झाँक्रीमेला लाग्‍ने गरेको छ ।

छायानाथरारा नगरपालिका–१२ थार्पमा पनि झाक्रीमेला सुरु भएको छ । आइतबार झाँक्रीसहित आएका तीर्थालुले सोमबार दिनभर मालिका तीर्थस्थलमा पूजापाठ गरे । थार्पको झाँक्रीनाच हेर्न र मष्टा देउतासँग ग्रहदशा हेराउन जुम्ला, हुम्ला र मुगुका बासिन्दाको घुँइचो लाग्छ ।

झाँक्री नाचले गाउँमा चहलपहल बढाएको थार्पका पुरिलाल सावतले बताए । उनका अनुसार मालिका लेकमा ३ दिनसम्म जनैपूर्णिमाको अवसरमा मेला लाग्ने गरेको छ ।


झयारीगाउँमा पनि महादेव र गुरा देवताका झाँक्री दिनभर नाचेका छन् । केही गाउँमा जनपूर्णिमाको दिन सुरु भएको झाँक्रीमेला कार्तिक पूर्णिमासम्म चल्ने गुरा देवताका झाँक्री भक्तबहादुर शाहीले बताए । एकदशीको दिन सदरमुकामबाट छायानाथ र ऋणीमोक्ष धाममा गएका झाँक्री र भक्तालु पनि सोमबार फर्किएको छायानाथ मन्दिरका पुजारी लक्ष्मीप्रसाद चौलागाईले बताए ।

प्रकाशित : श्रावण १९, २०७७ १८:४२
पूरा पढ्नुहोस्
प्रतिक्रिया
पठाउनुहोस्
×