धुलिखेलमा ‘योमरी फेस्टिभल’

विशेषगरी नेवारी समुदायमा मनाइने योमरी पुन्हीको निरन्तरता, संरक्षण र प्रवर्द्धनको लागि स्थानीय लश: कुश युवा क्लबले सांस्कृतिक कार्यक्रमसहितको फेस्टिभल आयोजना गरेको अध्यक्ष कर्मसागर वर्ण श्रेष्ठले जानकारी दिए ।

उनका अनुसार, योमरीसहित अन्य नेवारी परिकारका स्टलहरु थिए । योमरी नयाँ धानको चामलबाट चाकु, खुवा हालेर बनाइने विशेष परिकार हो । नेवारी समुदायमा जन्मोत्सव, गर्भवती महिलालाई दहीचिउरा खुवाउने समयमा पनि योमरी खुवाउने गरिन्छ ।

धुलिखेल नगर प्रमुख अशोककुमार व्याञ्जु श्रेष्ठले कला, संस्कृति र सम्पदा संरक्षणमा नयाँ पुस्ताको भूमिका हुने भन्दै उनीहरुको सक्रियता प्रशंसनीय रहेको बताए । उनले नगरपालिका सहयोग गर्न तयार रहेको बताए । नेवारी संस्कृति झल्कने चित्रलेखन, नृत्य, धिमेबाजा प्रस्तुत गरिएको थियो ।