कोरोना संक्रमण पुष्टि भएका बनेपाका २ जनाको मृत्यु भएको छ । एक महिनादेखि धुलिखेल अस्पतालमा भेन्टिलेटरमा उपचाररत बनेपा–१३ का ५० वर्षीय पुरुषको बुधबार राति मृत्यु भएको स्वास्थ्य कार्यालय काभ्रेका वरिष्ठ स्वास्थ्य प्रशासक डा. नरेन्द्रकुमार झाले जानकारी दिए ।
कोरोना संक्रमण पुष्टि भएका धुलिखेल–११ डाँडागाउँका एक जनाको धुलिखेल अस्पतालमा मृत्यु भएको छ । ७ दिनदेखि भेन्टिलेटर राखेर उपचार भइरहेका ५२ वर्षीय पुरुषको आइतबार बिहान २ बजे मृत्यु भएको वडाअध्यक्ष विष्णु धितालले जानकारी दिए ।
धुलिखेल अस्पतालमा उपचारका क्रममा मृत्यु भएका महाभारत–२ गोकुलेका २८ वर्षीय युवकमा कोरोना संक्रमण पुष्टि भएको छ । तीन–चार दिनदेखि ज्वरो देखिएपछि विकट मानिने डाँडापारि क्षेत्रबाट हेलिकप्टरमा धुलिखेल ल्याइएका उनको बुधबार मृत्यु भएको थियो ।
कोरोना संक्रमणका कारण बन्द भएका विद्यालयहरु सञ्चालनमा आउन थालेका छन् । जिल्लाको पाँचखाल नगरपालिकाले अभिभावक, विद्यालय व्यवस्थापन समिति र सरोकारवालाहरुसँग छलफल गरेर सोमबारबाट पठनपाठन सुरु गरेको छ ।
रोशी–१ का मनोज बराइली धुलिखेलस्थित सञ्जीवनी क्याम्पसमा स्नातक प्रथम वर्षमा अध्ययन गर्दै थिए । कोरोना संक्रमणको जोखिम रोकथामका लागि सरकारले लकडाउन गरेपछि पठनपाठन बन्द हुँदा उनी घर फर्किए । पछिल्लो समय घर नजिकैको तीनधारे झरनामा आन्तरिक पर्यटकको घुइँचो लाग्न थालेपछि उनी घर बसाइ सदुपयोग गरिरहेका छन् । ग्यास–चुल्हो, केही भाडाहरु जम्मा गरेर काफल डाँडामा खाजा पसल चलाइरहेका छन् ।
जिल्लाका एक कोरोना संक्रमितको काठमाडौंमा उपचारको क्रममा मृत्यु भएको छ । २७ गते काठमाडौं मेडिकल कलेज भर्ना भएका पनौती नगरपालिका-३ का ४१ वर्षका ती व्यक्तिलाई कोरोना संक्रमणको आशंकामा २८ गते स्वाब संकलन गरिएको थियो ।
