सिन्धुलीमा कांग्रेस जिल्ला अधिवेशन स्थगित

कांग्रेस सिन्धुलीको आकस्मिक बैठकले गरेको अनुरोधबमोजिम जिल्ल अधिवेशन रोकिएको निर्वाचन अधिकृत लेखतबहादुर खड्काले बताए ।

जिल्लामा संघीय निर्वाचन क्षेत्र नं २ को सभापति पदको मत परिणाम घोषणा हुन सकेको छैन । निर्वाचन अधिकृतका अनुसार क्षेत्रीय सभापति पदको मतपत्र महाधिवेशन प्रतिनिधिकोमा मिसिएको र बढी भेटिएकाले सहमति नजुट्दा विजय उम्मेदवारको घोषणा हुन नसकेको हो ।

क्षेत्रीय सभापति पदमा कुमार ढकाल र कपिल कोइराला प्रतिस्पर्धामा छन् । रुजु भएअनुसार हराएको ९ मतमात्र रहेकोमा महाधिवेशन प्रतिनिधिहरुको मत पत्र बक्समा १३ वटा भेटिएपछि धाँधली भएको भन्दै उम्मेदवारहरुले घोषणा गर्न नदिएका हुन् । निर्वाचनअधिकृत खड्काकाअनुसार कसरी मतपत्र बढी भयो भन्नेमा छानबिन भइरहेको छ । महाधिवेशन प्रतिनिधि ५० जना र अन्य पदाधिकारीहरुको भने घोषणा भइसकेको छ ।