नुवाकोट दुप्चेश्वरबाट सुत्केरीको उद्धार

शनिबार स्थानीय २४ वर्षिया अप्सरा थापाको सुत्केरी हुने क्रममा अत्यधिक रक्तश्राव भएपछि उपचारका लागि सेनाको हेलिकोप्टरबाट राजधानी पठाइएको हो । उनलाई राष्ट्रपति महिला उत्थान कार्यक्रममार्फत उपचारका लागि काठमाडौं पठाइएको गाउँपालिकाले जनाएको छ ।

दुर्गम क्षेत्रमा जोखिममा परेका गर्भवती तथा सुत्केरी महिलाका लागि हवाई उद्धारसम्बन्धी कार्यविधि बनाएर उक्त कार्यक्रममार्फत सेवा प्रदान गरिएको छ । उनलाई काठमाडौं थापाथलीस्थित प्रसूतिगृहमा पठाइएको र उनको स्वास्थ्य अवस्था सुधार रहेको गाउँपालिकाका अध्यक्ष योविन्द्रसिं तामाङले बताए ।