वाग्मती प्रदेशसभा बैठक सार्न एमालेको आग्रह

एमाले मुख्य सचेतक दीपक निरौलाले बुधबार बैठकको समय हेरफेर गर्न प्रेदेशसभा सचिवालयलाई आग्रह गरेको हो । एमालेले बैठक ११ गतेका लागि बोलाउनसमेत प्रस्ताव गरेको छ । कात्तिक पहिलो हप्ताभित्र एमालेको स्थानीय अधिवेशन हुने र अधिवेशनका कारण एमालेबाट प्रतिनिधित्व गर्ने प्रदेशसभा सदस्यहरु बैठकमा उपस्थित हुन नसक्ने कारण देखाउँदै बैठक ११ गते सार्न प्रदेशसभासमक्ष लिखित प्रस्ताव गरेका हुन् । प्रदेशसभा बैठकमा मुख्यमन्त्री शाक्यले विश्वासको मत लिने कार्यसूची रहेको छ ।

मुख्यमन्त्री शाक्यले गएको असोज २४ गते बसेको प्रदेशसभा बैठकमा नेपालको संविधानको धारा १८८ को उपधारा २ तथा प्रदेश नियमावली २०७४ को नियम १४३ को उपनियम १ बमोजिम विश्वासको मतसम्बन्धी प्रस्ताव पेस गरेकी थिइन् ।