दोलखामा बसको ठक्करबाट एक जनाको मृत्यु- वाग्मती - कान्तिपुर समाचार

दोलखामा बसको ठक्करबाट एक जनाको मृत्यु

रासस

चरिकोट — दोलखाको भीमेश्वर नगरापालिका–७ मकैबारीमा भएको सवारी दुर्घटनामा एक जनाको ज्यान गएको छ । दुर्घटनामा मोटरसाइकलमा सवार कालिञ्चोक गाउँपालिका–९ का २४ वर्षीय सन्तोष थामी रहेको प्रहरी निरीक्षक अन्जन कोइरालाले बताए । दुर्घटनामा परी भीमेश्वर नगरपालिका–१ सुस्पाक्षमावतीका ५० वर्षीया शारदा थामी र १९ वर्षीया सुजीता थामी घाइते भएका छन् ।

मोटरसाइकलमा तीन जना सवार रहेको र चालक थामीको मृत्यु भएको छ । घाइते दुई जनालाई थप उपचारका लागि काठमाडौं लगिएको छ ।

दोलखाको भिमेश्वर मन्दिर दर्शन गरी काठमाडौं फर्कन लागेको बा३ख ४७३३ नंको बस र मकैबारीबाट आउँदै गरेको बा९७प ७९३१ नंको मोटरसाइकल भीमेश्वर नगरपालिका–७ मकैबारीमा एकापसमा ठोक्किएर दुर्घटना भएको थियो । दुर्घटनाका बारेमा अनुसन्धान भइरहेको प्रहरीले जनाएको छ ।

प्रकाशित : आश्विन २, २०७८ १८:५७
प्रतिक्रिया
पठाउनुहोस्

संविधान दिवसलाई लोसपाले कालोदिनको रुपमा मनाउने

कान्तिपुर संवाददाता

काठमाडौँ — लोकतान्त्रिक समाजवादी पार्टीले संविधान दिवसलाई कालो दिनका रुपमा मनाउने भएको छ । अहिलेको संविधान अपूर्ण भएकाले त्यसको संशोधनको माग गर्दै देशभर कालो दिनका रुपमा मनाउने निर्णय भएको नेता केशवकुमार झाले जानकारी दिए ।

‘हामीले सुरु देखि नै संशोधनको माग गरेका हौं । तर ६ वर्ष भइसक्यो । अहिलेसम्म हाम्रो मागको सुनुवाई भएको छैन । संविधानमा अहिलेसम्म पनि संशोधन भएको छैन,’ उनले भने, ‘त्यसैले हामीले संशोधन माग गर्दै देशभर कालोदिनको रुपमा मनाउने र संविधानको पूर्णताका विषयमा विचार गोष्ठी गर्ने निर्णय गरेका छौँ ।’

उनका अनुसार पार्टीको वाग्मती प्रदेश समितिले बबरमहलस्थित केन्द्रीय कार्यालयमा ‘शहिदको बलिदानी एवं संविधानको पूर्णता’ विषयक बृहत विचार गोष्ठी आयोजना गरेको छ । ‘हामीले सबै प्रदेश र जिल्लामा पनि विचार गोष्ठीहरु गर्न आह्वान गरेका छौं, त्यस्तो गोष्ठीहरुमा पार्टीका नेताहरुले सम्बोधन गर्नुहुन्छ,’ नेता झाले भने ।

प्रकाशित : आश्विन २, २०७८ १८:११
पूरा पढ्नुहोस्
प्रतिक्रिया
पठाउनुहोस्
×