मन्त्रिपरिषद् विस्तारको तयारीमा मुख्यमन्त्री शाक्य

अल्पमतमा परेको सरकारले पाँच मन्त्री र चार राज्यमन्त्री विस्तार गर्न लागेको एमाले मुख्य सचेतक दीपक निरौलाले जानकारी दिए । शाक्यले मुख्यमन्त्रीको शपथ लिएसँगै दुई सदस्यीय मन्त्रिपरिषद् विस्तार गरेकी थिइन् । तर, उनले नियुक्त गरेको सामाजिक विकास मन्त्री कृष्ण खनालले नेकपा (एस) रोज्दै पदबाट राजीनामा दिएका थिए । हाल वाग्मती प्रदेशमा दुई सदस्यीय मन्त्रीमण्डल छ । ‘अब ११ सदस्यीय मन्त्रिपरिषद् हुनेछ,’ निरौलाले भने ।

स्रोतका अनुसार रचना खड्का, प्रदीप कटुवाल क्षेत्री, शान्तिप्रसाद पौडेल, डा. अजयक्रान्ति शाक्य र विजय सुवेदी मन्त्रीको रुपमा शपथ ग्रहण गर्दैछन् । जुनेली श्रेष्ठ, जीवन खड्का, बद्री मैनाली र सरस्वती बाटीले राज्यमन्त्रीको रुपमा शपथ ग्रहण गर्ने बुझिएको छ ।

‘मन्त्री र राज्यमन्त्रीको नाम अझै हेरफेर भइरहेको छ । १२ बजे संसदीय दलको बैठक बसेर अन्तिम सूची तयारी गर्ने भनिएको छ,’ एक सांसदले भने ।