सिन्धुलीको अक्करे भीरमा पहिरो खस्दा यातायात अवरुद्ध 

प्रहरीका अनुसार बुधबार रातिको वर्षाले अक्करे भीरमा पहिलेकै स्थानमा पहिरो खसेर सडक अवरुद्ध बनेको हो । यसअघि सोही स्थानमा पहिरो खस्दा चार दिन यातायात अवरुद्ध भई दुई दिनअघि मात्र खुलेको थियो ।

अक्करे भीरमा करिब तीन सय मिटर क्षेत्रमा पहिरो खसेको छ । लामो क्षेत्रफलमा पहिरो खसेकाले तत्काल यातायात सुरु हुने सम्भावना नरहेको सिन्धुली प्रहरीका प्रवक्ता डीएसपी मनोजकुमार लामाले जानकारी दिए । पहिरो पन्छाउनका लागि गोलन्जोर गाउँपालिकालाई एक्स्काभेटर पठाइदिन अनुरोध गरिएको उनले जनाए ।