राप्ती खोलामा ट्रक खस्दा एकको मृत्यु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
मकवानपुर — त्रिभुवन राजपथअन्तर्गत मकवानपुरको राप्ती खोलामा शुक्रबार बिहान मालवाहक ट्रक खस्दा एक जनाको मृत्यु भएको छ ।
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
भीमफेदी गाउँपालिका–१ सानुटारमा फलाम बोकेर काठमाडौं जाँदै गरेको प्रदेश १–०२–००१ ख ७५९ नम्बरको आइचर ट्रक आफैं अनियन्त्रित भई राप्ती खोलामा खसेको हो । मृत्यु हुनेमा सिन्धुली लम्पटारका २८ वर्षीय भगवान् बस्नेत रहेको मकवानपुर प्रहरी प्रवक्ता प्रहरी नायब उपरीक्षक जयश्वर रिमालले जानकारी दिए । उनका अनुसार ट्रकमा सवार बस्नेतको घटनास्थलमै ज्यान गएको हो ।
दुर्घटनामा अन्य दुई जना घाइते भएका छन् । घाइते हुनेमा ट्रक चालक मोरङको सुन्दरहरैचा गाउँपालिका–८ का ३१ वर्षीय राजन बास्कोटा र सहचालक सोही ठाउँका २४ वर्षीय सरोज आचार्य छन् । उनीहरूको हेटौंडा–११ मा रहेको चुरेहिल अस्पतालमा उपचार भइरहेको रिमालले जानकारी दिए ।
प्रकाशित : भाद्र ११, २०७८ ०९:५४