अवरुद्ध पासाङल्हामु सडक संचालनमा- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

अवरुद्ध पासाङल्हामु सडक संचालनमा

कृष्ण थापा

नुवाकोट — अविरल वर्षात्‌का कारण अवरुद्ध बनेको पासाङल्हामु सडक शुक्रबारबाट संचालनमा आएको छ । बुधबार रातिको वर्षाका कारण विदुर नगरपालिका २ र ४ वडा बीचमा रहेको मैथली व्यारेक खोल्सामा वर्षाले सडक भासिएपछि सडक अवरुद्ध भएको थियो । सडक संचालनमा आइसकेको प्रमुख जिल्ला अधिकारी जीवनप्रसाद दुलालले जनाएका छन् । सडक १० मिटर तल भासिएको थियो ।

ग्राभेल हालेर अस्थायी रुपमा सडक संचालन ल्याएइए पनि स्थायी रुपमा सडक संचालनमा ल्याउनुपर्ने स्थानीयको माग छ । सरोकारवाला निकायको विदुर नगरपालिका, सडक डिभिजन र गल्छी–त्रिशूली–मैलुङ–स्याफ्रुबेंसी–रसुवागढी आयोजनाले बेवस्ताका कारण गत वर्षदेखि जोखिममा रहेको सडक बुधबार राति भत्केको हो ।

सडकको विदुर नगरपालिकाले आफू निकटका ठेकेदारलाई काम दिएर सडकको माथिल्लो भागमात्र कालोपत्र गरेर छाडेको कारण सडक भासिएको स्थानीयले बताए । यो रसुवा र नुवाकोट जोड्ने एकमात्रै बैकल्पिक सडक हो ।

प्रकाशित : श्रावण १५, २०७८ १६:३२
प्रतिक्रिया
पठाउनुहोस्

विदुरमा पासाङल्हामु राजमार्ग भासिएपछि यातायात अवरुद्ध

कृष्ण थापा

काठमाडौँ — नुवाकोट– अविरल वर्षापछि विदुरमा पासाङल्हामु राजमार्ग सवारी चलाउनै नमिल्ने गरी भासिएको छ । विदुर नगरपालिकाको वडा नं २ र ४ बीचको मैथली ब्यारेक खोल्सामा सडक भासिएको हो । 


सडक भासिएपछि काठमाडौंबाट आएका यातायात बट्टारबजारतर्फ र रसुवा तथा उत्तरी भेगबाट आएका सवारी विदुर बजारतर्फ रोकिएका छन् । अस्थायी रूपमा सडक सञ्चालनमा ल्याई साना सवारी पार गराउने प्रयास भइरहेको प्रमुख जिल्ला अधिकारी जीवनप्रसाद दुलालले जानकारी दिए । ‘सबै जनशक्ति लगाएर छिट्टै सडक सञ्चालनमा ल्याउँछौँ,’ उनले भने ।

सडक १० मिटर भासिएको छ । उक्त सडक गत वर्षदेखि नै जोखिममा परेको स्थानीयले बताएका छन् । सडक डिभिजन र गल्छी–त्रिशूली–मैलुङ–स्याफ्रुबेसी–रसुवागढी सडक आयोजनाले माथिल्लो भाग मात्र कालोपत्र गरेर छाड्दा यस्तो अवस्था निम्तिएको उनीहरूको भनाइ छ ।

सडक भासिएको स्थानको मुनिपट्टि कल्भर्टसहितको सानो पुल छ । उक्त पुलमा धेरै ग्याबिन हालेर सडक बनाइएको थियो ।


प्रकाशित : श्रावण १४, २०७८ १०:१९
पूरा पढ्नुहोस्
प्रतिक्रिया
पठाउनुहोस्
×