अवरुद्ध पासाङल्हामु सडक संचालनमा- वाग्मती - कान्तिपुर समाचार

अवरुद्ध पासाङल्हामु सडक संचालनमा

कृष्ण थापा

नुवाकोट — अविरल वर्षात्‌का कारण अवरुद्ध बनेको पासाङल्हामु सडक शुक्रबारबाट संचालनमा आएको छ । बुधबार रातिको वर्षाका कारण विदुर नगरपालिका २ र ४ वडा बीचमा रहेको मैथली व्यारेक खोल्सामा वर्षाले सडक भासिएपछि सडक अवरुद्ध भएको थियो । सडक संचालनमा आइसकेको प्रमुख जिल्ला अधिकारी जीवनप्रसाद दुलालले जनाएका छन् । सडक १० मिटर तल भासिएको थियो ।

ग्राभेल हालेर अस्थायी रुपमा सडक संचालन ल्याएइए पनि स्थायी रुपमा सडक संचालनमा ल्याउनुपर्ने स्थानीयको माग छ । सरोकारवाला निकायको विदुर नगरपालिका, सडक डिभिजन र गल्छी–त्रिशूली–मैलुङ–स्याफ्रुबेंसी–रसुवागढी आयोजनाले बेवस्ताका कारण गत वर्षदेखि जोखिममा रहेको सडक बुधबार राति भत्केको हो ।

सडकको विदुर नगरपालिकाले आफू निकटका ठेकेदारलाई काम दिएर सडकको माथिल्लो भागमात्र कालोपत्र गरेर छाडेको कारण सडक भासिएको स्थानीयले बताए । यो रसुवा र नुवाकोट जोड्ने एकमात्रै बैकल्पिक सडक हो ।

प्रकाशित : श्रावण १५, २०७८ १६:३२
प्रतिक्रिया
पठाउनुहोस्

'मदन पुरस्कार–२०७७'को श्रेष्ठ सूची सार्वजनिक

कान्तिपुर संवाददाता

काठमाडौँ — मदन पुरस्कार गुठीले 'मदन पुरस्कार–२०७७' का लागि ९ पुस्तकहरु छनोट गरेको छ । गुठीलाई प्राप्त २२२ पुस्तकहरूमध्ये ९ वटा पुस्तकलाई श्रेष्ठ सूचीमा समेटिएको हो ।

यी पुस्तकहरू मध्येबाट बढीमा १० पुस्तकहरूको श्रेष्ठ सूची तयार गर्न गठन भएको समितिले गुठीलाई ९ पुस्तकको नाम उपलब्ध गराएको थियो । अप्रकाशित सामग्रीहरूको बाहुल्य रहेका पुस्तकलाई छनोटको आधार बनाइएको गुठीले जनाएको छ ।

यी पुस्तकहरूमध्ये एक पुस्तकलाई सर्वश्रेष्ठ पुस्तकका रूपमा वर्ष २०७७ को मदन पुरस्कार दिइने छ ।

श्रेष्ठ सूचीमा परेका ९ पुस्तक :

- एकलव्यको देब्रे हात

‍- करिया

- कल्प-ग्रन्थ

- नृत्याक्षर विज्ञान

- फिलिङ्गो

- फुलाङ्गे

- मोक्षभूमि

- रमिते

- लिम्बुवानको ऐतिहासिक दस्तावेज सङ्ग्रह (सम्वत् १७१९-२०२०)

प्रकाशित : श्रावण १५, २०७८ १६:१४
पूरा पढ्नुहोस्
प्रतिक्रिया
पठाउनुहोस्
×