८१ केजी गाँजासहित ट्रक चालक पक्राउ
मकवानपुर — मकवानपुर प्रहरीले ८१ किलो ३ सय ५० ग्राम लागुऔषध गाँजासहित बुधबार बिहान एक जनालाई पक्राउ गरेको छ । हेटौंडा–नारायणगढ सडकखण्डअन्तर्गत मनहरी गाउँपालिका–८ सिमपानीबाट उक्त परिमाणको गाँजा बरामद भएको हो ।
पक्राउ पर्नेमा राक्सिराङ गाउँपालिका–४ का ४२ वर्षीय बाबुराम नेगी रहेको जिल्ला प्रहरी कार्यालयका प्रहरी नायब उपरीक्षक जयेश्वर रिमालले जानकारी दिए ।
उनका अनुसार इलाका प्रहरी कार्यालय मनहरीबाट खटिएको विशेष टोलीले बिहान पौने ३ बजे ना८ख ८२८४ नम्बरको ट्रकभित्र उक्त गाँजा फेला पारेको हो ।
ट्रक चालक नेगीलाई नियन्त्रणमा लिएर थप अनुसन्धान भइरहेको प्रहरीले जनाएको छ ।
प्रतिक्रिया
