एमाले नेपाल समूहद्वारा काभ्रे जिल्ला कमिटी पुनर्गठन- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

एमाले नेपाल समूहद्वारा काभ्रे जिल्ला कमिटी पुनर्गठन

कान्तिपुर संवाददाता

काभ्रे — जिल्लाको संस्थापन मानिने एमाले नेपाल समूहले जिल्ला कमिटी पुनर्गठन गरेको छ । 

वरिष्ठ नेता माधव कुमार नेपालको उपस्थितिमा आइतबार २ सय १ सदस्यीय काभ्रे जिल्ला कमिटी घोषणा गरिएको हो । कमिटी अध्यक्षमा टोकबहादुर वाइबा, उपाध्यक्ष बसुन्धरा हुमागाईं, सचिव दिपक गौतम र उपसचिव भक्तकुमारी लामा छन् । वाइबा साविक एमालेका जिल्ला कमिटी अध्यक्ष हुन् ।

यसअघि ओली समूहले उपाध्यक्ष अशोककुमार व्याञ्जु श्रेष्ठको अध्यक्षतामा समानान्तर कमिटी घोषणा गरेको थियो । पार्टी बैठक नराखेको, विपक्षीसँग मिलेको लगायत आरोप लगाउँदै ‘बहुमत’ जिल्ला कमिटी सदस्यले अध्यक्ष टोकबहादुर वाइबालाई हटाएको दाबी ओली समूहको छ ।

नेपाल समूहले जिल्ला कमिटी, सल्लाहकार कमिटी, जनवर्गीय संगठनका पदाधिकारी र १३ वटै स्थानीय तहमा पदाधिकारी र इञ्चार्जसमेत तोकको छ । अध्यक्ष वाइबाले वैशाख २० गतेभित्र गाउँ तथा नगर र जनवर्गीय संगठनहरुको कमिटी पूर्णता दिई मसान्तसम्म वडा तहसम्म कमिटी गठन गर्ने दाबी गरे ।

प्रकाशित : वैशाख ५, २०७८ १८:५३
प्रतिक्रिया
पठाउनुहोस्

म्यान्मार नरसंहारविरुद्ध माइतीघरमा डुंगा [तस्बिरहरू]

तस्बिर : दीपक केसी

काठमाडौँ — म्यान्मार नरसंहारको विरोध गर्दै कलाकार रविन्द्र श्रेष्ठले आइतबार माइतीघर मण्डलामा डुंगासहितको प्रतिस्थापन कला प्रस्तुत गरेका छन् । भाषा–संस्कृति र भौगोलिक रुपमा देश फरक भएपनि मानवताको सवालमा मानिसहरु कहीँ न कहीँ एक अर्कासँग जोडिएका हुने भन्दै डुंगा प्रतिस्थापन गरेका हुन् । औंठाछाप कला र गुलाबसहितको डुंगामा बटुवाहरुले सन्देहरु लेखेर श्रद्धाञ्जाली अर्पण गरेका थिए ।

तस्बिर : दीपक केसी

'मानव हुनुको नाताले मानवतासँग जोडिएका विषयमा सबैको चासो हुन्छ । संसारको कुनै पनि कुनामा हुने मानवता विरोधी कुकृत्यको विरोधमा हामी उभिन्छौं ।' कलाकार श्रेष्ठले भने । लोकतन्त्रको पुन:बहालीको माग गर्दै म्यान्मारमा मारिएका नागरिकहरुलाई सम्झन खोजेको उनले बताए । म्यान्मारको नरसंहार चाँडै रोकियोस् भन्दै मानवताको पक्षपोषण गर्दै कला प्रस्तुत गरेको उनले बताए ।


प्रकाशित : वैशाख ५, २०७८ १८:५०
पूरा पढ्नुहोस्
प्रतिक्रिया
पठाउनुहोस्
×