रामेछापमा करणी आरोपी पक्राउ
रामेछाप — शारीरिक अशक्तता र सुस्त मनस्थिति भएकी ५९ वर्षीया महिलालाई जबरजस्ती करणी गरेको फरार आरोपी पक्राउ परेका छन् ।
दोरम्बा गाउँपालिका ७ का ५६ का अंगते तामाङलाई जिल्ला प्रहरी कार्यालयले आइतबार पक्राउ गरेको हो ।
केही दिनअघिको घटनाबारेमा प्रहरी कार्यालयमा जाहेरी पर्नासाथ खोजी कार्यमा जुटेको प्रहरीले तामाङलाई आइतबार पक्राउ गरी हिरासतमा राखेको प्रहरी निरीक्षक श्रीशंकर श्रेष्ठले जानकारी दिए । उनका अनुसार उनीविरुद्ध जबरजस्ती करणीको कसुरमा मुद्दा दर्ता गरी अनुसन्धान अघि बढाइएको छ ।