मन्थलीमा २ सय २८ जनाको आँखाको शल्यक्रिया

तिलगंगा आँखा प्रतिष्ठान काठमाडौंको सहयोगमा सञ्चालित उक्त शिविरमा रामेछाप, दोलखा, सिन्धुली र ओखलढुंगाका आँखा रोगीको शल्यक्रियामार्फत उपचार गरिएको हो । शिविरमा आँखाका विभिन्न समस्या भएका एक हजारभन्दा बढी रोगीलाई स्वास्थ्य परीक्षण, उपचार र औषधि उपलब्ध भएको थियो ।

तिलगंगा आँखा अस्पतालका रमेश पराजुली, डा. संयम बजिमय, योगिता भण्डारी र प्रतिभा शाही लगायतले शिविरमा शल्यक्रिया र उपचार सेवा प्रदान गरेका थिए । जिल्ला सामुदायिक आँखा केन्द्र रामेछाप, मन्थली साकोस र तामाकोशी अस्पतालले संयुक्त रुपमा शिविरको आयोजना गरेका थिए ।