सिन्धुलीमा जिप दुर्घटना, १ को मृत्यु, चालक सख्त घाइते
सिन्धुली — सिन्धुलीगढी नजिक जिप दुर्घटनामा हुँदा शनिबार एकको मृत्यु भएको छ भने अर्का एक घाइते भएका छन् ।
सदरमुकाम सिन्धुलीबाट खुर्कोटका लागि छुटेको ज १ च १३५४ नं जिप गोलन्जोर गाउँपालिका ५ सोलाभन्ज्याङमा दुर्घटना हुँदा महोत्तरी रामगोपालपुर ५ कञ्चनपुरका ४१ वर्षीय वसन्त मुखियाको मृत्यु भएको प्रहरीले जनाएको छ । दुर्घटनामा परी जिपका चालक घनुषा गोविन्दपुरका २२ वर्षीय सिजल यादव सख्त घाइते भएका छन् । उनलाई उपचारार्थ काठमाडौं लगिएको छ ।
जिप अनियन्त्रित भएर सडकबाट २० मिटर तल खसेको डिएसपी श्यामबहादुर खत्रीले जानकारी दिए ।
प्रतिक्रिया