सांसद यादवलाई कोरोना पुष्टि भएपछि सिन्धुली वन कार्यालय सिल- वाग्मती - कान्तिपुर समाचार

सांसद यादवलाई कोरोना पुष्टि भएपछि सिन्धुली वन कार्यालय सिल

राजकुमार कार्की

सिन्धुली — वैज्ञानिक वन छानबिन अनुगमन उपसमितिका संयोजकलाई कोरोना भाइरसको पुष्टि भएपछि डिभिजन वन कार्यालय सिन्धुली सिल गरी सबै सेवाहरु बन्द गरिएको छ ।

वनको अवस्था बुझ्न सिन्धुली आएका उपसमितिका संयोजक एवं संघीय सांसद प्रदीप यादवलाई कोरोना भाइरस संक्रमण पुष्टि भएकाले सबै सेवाहरु बन्द गरिएको डिभिजन वन कार्यालय सिन्धुलीले जनाएको छ । नारायणी अस्पताल वीरगन्जमा शुक्रबार गरिएको परीक्षणबाट सांसद यादवमा कोरोना भाइरस संक्रमण पुष्टि भएको हो ।

उपसमिति संयोजक यादवसहित आएको अनुगमन छानबिन टोलीले गत बुधबार वन कार्यालय, उपभोक्ता समितिका पदाधिकारीहरु, कार्यालय प्रमुख, एवं सरोकारवालाहरुसँग अन्तरक्रिया कार्यक्रम गरेको थियो । डिभिजन वन कार्यालयले सूचना जारी गरेर शनिबारदेखि लागू हुनेगरी कार्यालयबाट उपलब्ध हुने सबै किसिमका सेवाहरु अर्को सूचना जारी नभएसम्मका लागि बन्द गरेको छ ।

सूचनामा भनिएको छ, ‘अन्तरक्रिया कार्यक्रममा आएका सांसद यादव, कार्यालय प्रमुख तथा अन्य सरोकारवालाहरुसँग प्रत्यक्ष सम्पर्कमा रहेकाले सेवाग्राही तथा अन्य महानुभावहरुलाई संक्रमण हुने सम्भावना भएकाले सेवा बन्द गरिएको छ ।’ कार्यालयका अनुसार अन्तरक्रिया कार्यक्रममा सहभागी हुनेहरुको कन्ट्याक्ट टे«सिङ गर्ने काम भएको छ भने पीसीआर परीक्षणका लागि स्वाब संकलन गर्न अनुरोध गरिएको छ ।

उपसमिति संयोजकको टोलीका चालकलगाएयत अन्यलाई समेत कोरोना भाइरस पुष्टि भएकाले सिन्धुलीमा समेत प्रत्यक्ष सम्पर्कमा रहेकाहरुमा कोरोना संक्रमण आशंका गरिएको छ । डिभिजन वन कार्यालय प्रमुख नारायणकुमार श्रेष्ठले समुदायमा संक्रमण फैलन नदिन कन्ट्याक्ट ट्रेसिङ थालिएको बताए ।

सम्बन्धित समाचार

प्रकाशित : श्रावण १७, २०७७ ११:४२
प्रतिक्रिया
पठाउनुहोस्

पहिरोले बीपी राजमार्ग अवरुद्ध

रोशी र चदाहाले धान खेत कटान
राजकुमार कार्की

सिन्धुली — अविरल वर्षाका कारण ठाउँ–ठाउँमा आएको पहिरोले बीपी राजमार्ग पनि मंगलबार दिउँसोदेखि अवरुद्ध भएको छ । जिल्ला प्रहरी कार्यालयका अनुसार बीपी राजमार्गको खुर्कोट–नेपालथोक खण्डको कमेरेफाँटमा माथिबाट पहिरो झरेकाले सडक अवरुद्ध बनेको छ । 



अवरुद्ध सडक खुलाउन दुई वटा एस्काभेटरले पहिरो पन्छाउने काम भइरहेको छ । दुम्जा र खुर्कोट नजिकै माथिबाट लेदो माटो खसेर पटकपटक सडक अवरुद्ध भएको छ । पानी परिरहेकाले खहरेमा आएको बाढीले बीपी राजमार्गमा यातायात सञ्चालन हुन सकेको छैन् । महाभारत क्षेत्रको खनियाखर्क नजिक पनि लेदो माटो झरेर सडक अवरुद्ध बनेको छ ।

त्यस्तै मध्यपहाडी लोकमार्गको पाँच/सात ठाउँमा पहिरो जाँदा यातायात सेवा अवरुद्ध भएको प्रहरी नायब उपरीक्षक श्यामबहादुर क्षेत्रीले जानकारी दिए । दुवै राजमार्ग अवरुद्ध हुँदा राजधानी काठमाडौं जाने र फर्कने सयौं सवारी साधन बीच सडकमा अलपत्र परेको स्थानीयले बताएका छन् । मध्येपहाडी लोकमार्गकै फिक्कल गाउँपालिकामा सोखुखोला, बादुरेखोला र खाङ्गसाङ्ग खोलामा आएको बाढीले यातायात अवरुद्ध भएको छ ।

प्रमुख जिल्ला अधिकारी योगेन्द्रप्रसाद पाण्डेले बाढी पहिरोका कारण जिल्लामा मानवीय क्षति नभएको तर ग्रामीण सडकहरुमा पूर्णत यातायात बन्द रहेको बताए । बीपी र मध्य पहाडी लोकमार्गमा सडक माथिबाट जथाभावी खनिएका कच्ची सडकबाट लेदो र माटो खस्ने क्रम चलिरहेकाले सफाइका लागि स्थानीय तह र सुरक्षा निकाय तयारी अवस्थामै रहेको उनले जानकारी दिए ।

उनले भने, ‘पहिरो पन्छाउने काम पनि भइरहेको छ, माथिबाट लेदो माटो बगेर पनि आइरहेको छ । राजमार्ग माथि जथाभावी खनिएका कच्चि सडक समस्याको रुपमा देखा परिरहेका छन् ।’ सुनकोशी गाउँपालिका–१ को दुम्जा फाँटमा रोशी खोला र तीनपाटन गाउँपालिकामा चदाहा खोलाले धान खेत कटान तथा बाढी पसेर पुरेको छ । तीन पाटन गाउँपालिका अध्यक्ष कर्णबहादुर थापाले मंगलबार बिहान वडा नम्बर १ को बेल्घारी फाँटमा चादाहा खोलामा आएको बाढी पसेर खेत पुरेको बताए ।

दुम्जामा माथिल्लो देवीस्थान फाँट र नेपालथोक फाँटमा रोशीले खेत कटान गरिरहेको स्थानीय उपेन्द्र कोइरालाले बताए । आदिलिंग कुशेश्वर महादेव मन्दिरको पश्चिमतर्फको छेउमै रोशी खोला पसेको छ । व्यवस्थित तटबन्धको अभावमा सुनकोशीको ठूलो फाँटमा वर्षेनी बाढीले क्षति पुर्‍याउँदै आएको छ ।

प्रकाशित : श्रावण ६, २०७७ १४:०२
पूरा पढ्नुहोस्
प्रतिक्रिया
पठाउनुहोस्
×