८० जेष्ठ नागरिक सम्मानीत

मंसिर २८, २०७६कान्तिपुर संवाददाता

नुवाकोट — समाज सचेतन केन्द्रले जेष्ठ नागरिकलाई सम्मान गरेको छ । केन्द्रले शुक्रबार २० औं वार्षिकोत्सव अवसरमा ७५ वर्ष माथिका ८० जनालाई सम्मान गरिएको अध्यक्ष यमकुमार खातीले बताए । जेष्ठ नागरिकलाई पूर्वसांसद राजेन्द्रप्रकाश लोहनीले रामनामी ओढाएर जाडो मौसमको लागि एउटा थर्म हस्तान्तरण गरे ।

सम्मान थापेपछि विदुर नगरपालिका ४ का ९२ वर्षीय रोहिन्द्रबहादुर रेग्मीले खुसी लागेको बताए । रेग्मीसहित विनपाका ८० जनालाई सम्मान गरिएको हो । इतिहास, ज्ञान उनीहरुबाट सिक्न र आगामी युवा पुस्ताले पनि सम्मान गर्दै जान सकुन् भन्ने भावना यस्ता कार्यक्रम जागृत गराउन पूर्वसांसद लोहनीको विश्वास थियो ।