नमोबुद्धमा बस दुर्घटना, २५ घाइते
काभ्रे — वीपी राजमार्ग अन्तर्गत नमोबुद्ध–२ पात्लेगाउँमा बस दुर्घटना हुँदा २५ जना घाइते भएका छन् । घाइतेमध्ये ३ को अवस्था गम्भीर छ ।
बनेपाबाट नेपालथोकको लागि छुटेको बा.४.ख ३३१९ नम्बरको यात्रुबाहक बस सडकबाट अन्दाजी १ सय ५० मिटर तल खसेको थियो । विपरीत दिशाबाट आइरहेको बसलाई साइड दिने क्रममा एक्कासीबीचमा चेपिएको मोटरसाइकललाई बचाउने क्रममा बस तल खसेको जिल्ला प्रहरी प्रमुख एसपी जयराज सापकोटाले जानकारी दिए ।
गम्भीर घाइते तेमाल गाउँपालिकाका १८ वर्षीय विवेक तामाङ र पहिचान नखुलेका २ जनालाई थप उपचारको लागि काठमाडौं रिफर गरिएको धुलिखेल अस्पतालले जनाएको छ । अन्य २२ जनाको धुलिखेल अस्पतालमा उपचार भइरहेको छ ।
प्रकाशित : कार्तिक २५, २०७६ १७:४६प्रतिक्रिया