मुख्यमन्त्री–जर्मन राजदूत वार्ता

प्रदेश सरकारसँग मिलेर काम गर्न जर्मनी तयार रहेको राजदूत सेफरले बताएका थिए ।

भेटघाटको क्रममा मुख्यमन्त्री पौडेलले प्राविधिक शिक्षामा सहयोग गर्न आग्रह गरेका थिए । ‘अहिलेको युग प्राविधिक शिक्षाको युग हो । त्यसकारण हाम्रो प्रदेश प्राविधिक शिक्षामार्फत सम्भावना खोजी रहेको छ,’ पौडेलले भने, ‘प्रदेश सरकारले एक स्थानीय तह एक प्राविधिक शिक्षालय भन्ने अभियानका साथ अगाडि बढिरहेको छ ।’

राजदूत सेफरले जर्मनीले प्राविधिक शिक्षालाई बिस्तार गरिरहेको जानकारी गराउँदै आवश्यक सहयोगका लागि सदैव तयार रहेको जानकारी गराएका थिए । ‘प्रदेश सरकारको प्राथमिकताअनुसार सहकार्य गर्न हामी तयार रहेका छौं,’ उनले भने ।