गाँजासहित चार पक्राउ

प्रताप विष्ट

(हेंटौडा) — लागुऔषध गाँजासहित प्रहरीले सोमबार चारजनालाई पक्राउ गरेको  छ । मनहरी बजारबाट हेंटौडातर्फ आइरहेको  ना १ ह ९७४६ नम्बरको अटो रोकेर प्रहरीले खानतलासी गर्दा १४ केजी ९ सय ग्राम गाँजासहित तीन जनालाई प्रहरीले पक्राउ गरेको हो । 

पक्राउ पर्नेहरुमा मनहरी गाउँपालिका—८ का १९ वर्षीय अटो चालक १९ वर्षीय जीवन मोक्तान, वीरगन्ज महानगरपािलका–१० का २४ वर्षीय राजेश पटेल र मुन्ना अन्सारीलाई पक्राउ गरेको प्रहरी उपरिक्षक मुकेशकुमार सिंहले बताए । अटोको सिट मुनि उनीहरुले गाँजा लुकाएर ल्याएका थिए ।

प्रहरीले हेंटौडा–११ थाना भर्‍याङमा अटो रोकेर चेकजाँच गर्दा गाँजा फेला परेको हो । यसैगरी गत वैशाखमा ४८ केजी ८ सय ग्राम गाँजा र भारतीय कारसहित पक्राउ परेको घटनामा संलग्न रहेका तर फरार भएका ३४ वर्षीय भारतीय नागरिक प्रवल अग्निवेशलाई प्रहरीले चितवनबाट पक्राउ गरेको छ ।

अग्निवेशलाई कानुनी कारवाही गर्न सोमबार जिल्ला प्रहरी कार्यालय हेंटौडामा ल्याएको थियो ।

प्रकाशित : श्रावण २०, २०७६ १३:३५
प्रतिक्रिया
पठाउनुहोस्

मनसुन पुनः सक्रिय हुँदा भारी वर्षाको सम्भावना

रासस

काठमाडौँ — केही दिनदेखि कमजोर रहेको मनसुन आजदेखि पुनःसक्रिय भएको छ । मनसुनी न्यून चापीय रेखा औसत स्थानभन्दा केही उत्तरतिर (नेपाल तर्फ) सरेकाले मनसुन पुनःसक्रिय भएको जल तथा मौसम विज्ञान विभाग, मौसम पूर्वानुमान महाशाखाका वरिष्ठ मौसमविद् वरुण पौडेले बताए ।

'एक सातादेखि कमजोर रहेको मनसुन आजदेखि केही सक्रिय भएको हो । अबको तीन– चार दिन बिहान तथा बेलुकापख वर्षा हुने र दिउँसो घाम लाग्ने क्रम चलिरहने छ,' उनले भने ।

हाल देशभर सामान्य तथा पूर्ण बदली हुनाका साथै तराईका धेरैजसो स्थानमा मेघ गर्जनसहित वर्षा भइरहेको मौसम पूर्वानुमान महाशाखाले जनाएको छ ।

महाशाखाको पछिल्लो विवरण अनुसार साेमबारकाठमाडौँमा १० मिलिमिटर वर्षा भएको छ भने पोखरामा ५४, दाङमा ३२, सिमरामा ६७, नेपालगञ्जमा २७, धनगडीमा ४२ र दिपालयमा २६ मिलिमिटर वर्षा मापन गरिएको छ ।

राति देशभर सामान्य बदली रही देशको पश्चिमी भागका केही स्थानमा तथा मध्य र पूर्वका एक– दुई स्थानमा मेघ गर्जनसहित हल्कादेखि मध्यम वर्षाको सम्भावना रहेको बताइएको छ ।

भोलि देशभर सामान्य तथा पूर्ण बदली हुनाका साथै मध्य र पश्चिमी क्षेत्रका एक दुई स्थानमा भारी वर्षाको सम्भावना रहेको मौसम पूर्वानुमान महाशाखाले जनाएको छ । त्यस्तै बुधबार देशभर सामान्यदेखि पूर्ण बदली हुनाका साथै केही स्थानमा मध्यमदेखि भारी वर्षाको सम्भावना रहेको र पूर्व र मध्य क्षेत्रका एक–दुई स्थानमा भारी वर्षाको सम्भावना रहेको जनाइएको छ ।

यसैगरी महाशाखाले आगामी २४ घण्टाको मौसम पूर्वानुमान जारी गदै देशको केही स्थानमा मेघगर्जन र चटयाङ पर्ने सम्भावनाका साथै पूर्व र पश्चिमी तराई तथा पहाडी भेगका केही स्थानमा भारी वर्षाको सम्भावना रहेकाले सतर्कता अपनाउन आग्रह गरिएको छ ।

प्रकाशित : श्रावण २०, २०७६ १२:०८
पूरा पढ्नुहोस्
प्रतिक्रिया
पठाउनुहोस्